दिल्ली सरकार के चर्चित नई शराब नीति के ले के देश के अग्रणी सामाजिक कार्यकर्ता अन्ना हजारे मुख्यमंत्री अरविंद केजरीवाल के पत्र लिख के नसीहत देहलें बानें। पत्र में अन्ना केजरीवाल के उलाहना देत कहलें, ‘तहऊ सत्ता के नशा में डूब गइलs। एगो बड़ आंदोलन से जन्मल पार्टी खातिर ई शोभा नाइ देला।
अन्ना केजरीवाल से कहलें, तू ‘स्वराज’ नाम के किताब में केतना आदर्श बात लिखले रहलs। तहसे बड़िये उम्मीद रहल, लेकिन, बुझाता राजनीति में गइला अउरी मुख्यमंत्री बनले के बाद तू आदर्श विचारधारा के भुला गइल बाड़s। जौने तरे शराब के नशा होला, ओही तरे सत्ता के भी नशा होला। तहऊ अइसन सत्ता के नशा में डूब गइल बाड़s, अइसन बुझाता।
Comments are closed.