दक्षिण अफ्रीका के पूर्वी क्वाज़ूलू-नाताल प्रांत के पीटरमैरिट्जबर्ग शहर में एगो घर में सामूहिक गोलीबारी में सात गो मेहरारू आ एगो बच्चा समेत एगो परिवार के दस लोग के मौत हो गइल। पुलिस इ जानकारी शुक्रवार के देले बिया। पुलिस मंत्री भेकी सेले बतवले कि घंटन बाद पुलिस के संगे भईल गोलीबारी में एक संदिग्ध के मजाता मउत हो गईल आ दु लोग के गिरफ्तार क लिहल गईल। उ बतवले कि चउथा संदिग्ध फरार हो गईल लेकिन ओकर पहचान हो गईल बा आ ओकरा के खोजल जाता।
प्रारंभिक रिपोर्ट के मुताबिक, अज्ञात बंदूकधारी घर पे घात लगा के हमला क देले, पुलिस के कहनाम बा। गोलीबारी के घटना गुरुवार के रात चाहे शुक्रवार के सबेरे भईल। दक्षिण अफ्रीका दुनिया के सबसे अधिका हत्या के दर में से एगो ह आ हाल के सालन में एहमें सामूहिक गोलीबारी के घटना सामने आइल बा। एह साल जनवरी में दक्षिण तट के शहर गेकेबेरा में एगो जन्मदिन के पार्टी में आठ लोग के गोली मार के हत्या कर दिहल गइल रहे। पिछला साल जोहानसबर्ग टाउनशिप सोवेटो के एगो रेस्तरां (बार) में हथियारबंद लोग के एगो समूह के ओर से सामूहिक गोलीबारी में 16 लोग के मउत हो गईल रहे।