100वें टेस्ट में दोहरा शतक लगावे वाला दूसरा बल्लेबाज बनलें डेविड वॉर्नर, सचिन के रिकॉर्ड के भी कइलें बराबरी

ऑस्ट्रेलिया अउर दक्षिण अफ्रीका के बीच बॉक्सिंग डे टेस्ट में कंगारू बल्लेबाज डेविड वॉर्नर खास उपलब्धि अपने नाम कइले बानें। ऊ अपने 100वें टेस्ट में शतक लगवले बानें। ऊ अइसन करे वाले 10वां बल्लेबाज हवें। उहवें, ऊ ऑस्ट्रेलिया के दूसरा खिलाड़ी हवें, जे अइसन कइले बा। वॉर्नर से पहिले रिकी पोंटिंग ई काम कइले रहनें। एह शतक के संगे वॉर्नर सचिन के खास रिकॉर्ड के बराबरी कs लिहले बानें।

ऊ बतौर ओपनर सबसे ज्यादा शतक लगावे वाला बल्लेबाज बन गइल बानें। सचिन पारी के शुरुआत करत अंतरराष्ट्रीय क्रिकेट में 45 शतक लगवले बानें अउर वॉर्नर भी अइसन कs चुकल बानें। वॉर्नर के शतक के चलते सीरीज के दूसरे मैच में ऑस्ट्रेलिया के टीम मजबूत स्थिति में पहुंच गइल बा अउर भारत खातिर ई सुखद खबर बा। अगर दक्षिण अफ्रीका ई मैच हार जातिया त भारत खातिर टेस्ट चैंपियनशिप के फाइनल के राह आसान हो जाई।

डेविड वॉर्नर लगभग तीन साल बाद टेस्ट क्रिकेट में शतक लगवले बानें। ऊ लमहर समय से खराब फॉर्म से जूझत रहनें अउर उनके टीम से बाहर करे के बातो होत रहल । अब वॉर्नर अपने बल्ला से सब के मुंह बंद कs दिहले बाने। मेलबर्न के मुश्किल पिच पर ऊ अपने टीम के बेहतर स्थिति में पहुंचवले बानें अउर टेस्ट क्रिकेट में आपन 8000 रन भी पूरा कs लिहले बानें। ऊ अपने 100वें टेस्ट में दोहरा शतक लगावे वाले पहिला ऑस्ट्रेलियाई बल्लेबाज हवें। उहवें दुनिया के दूसर बल्लेबाज बानें, उनसे पहिले जो रूट अइसन कइले रहनें।