पुर्तगाल के फुटबॉल टीम के कप्तान क्रिस्टियानो रोनाल्डो सऊदी अरब के क्लब अल नस्र के साथ ढाई साल के करार कइले बानें। एकरे साथही उ दुनिया के सबसे ज्यादा कमाई करे वाले खिलाड़ी बन गइल बा। यूरोप में कई साल ले खेलले के बाद अब उ एशियाई क्लब खातिर खेलिहें। रोनाल्डो के पूर्व क्लब मैनचेस्टर यूनाइटेड के संगे अनुबंध खत्म होखले के बाद उनके भविष्य के ले के कई तरह के अटकल लगावल जा रहल जिनके रोनाल्डो अब खत्म कs दिहले बा।
37 साल के रोनाल्डो 2025 तक खातिर अल नस्र के संगे करार कइले बा। ऊ 200 मिलियन यूरो (1775 करोड़ रुपया) से ज्यादा के अनुबंध कइले बानें। फुटबॉल क्लब अल नसर एह सौदा के बारे में जानकारी नइखे दिहले लेकिन समाचार एजेंसी रॉयटर्स के अनुसार रोनाल्डो “200 मिलियन यूरो (214.04 मिलियन अमरीकी डालर) से अधिक”के करार कइले बानें।
History in the making. This is a signing that will not only inspire our club to achieve even greater success but inspire our league, our nation and future generations, boys and girls to be the best version of themselves. Welcome @Cristiano to your new home @AlNassrFC pic.twitter.com/oan7nu8NWC
— AlNassr FC (@AlNassrFC_EN) December 30, 2022
रोनाल्डो के शामिल होखले से अल नसर के टीम के मजबूती मिली। ई क्लब नौ सऊदी प्रो लीग खिताब जीत चुकल बा अउर दसवीं ट्रॉफी अपने नाम करे के उम्मीद करी। ई क्लब आखिरी बेर 2019 में लीग के चैंपियन बनल रहे। अल नसर के टीम अब पहिला बेर एएफसी चैंपियंस लीग जीते के भी उम्मीद करी।