भारतीय क्रिकेट टीम के मुख्य चनयकर्ता चेतन शर्मा स्टिंग ऑपरेशन के बाद से अपना पद से इस्तीफा दे देले बाड़ें । एगो स्टिंग ऑपरेशन में चेतन शर्मा भारतीय टीम आ खिलाड़ियन से जुड़ल कई गो राज के उगिलले रहलें । एकरा बाद से उ लगातार विवादन में बनल रहले । अब उ भारतीय पुरुष क्रिकेट टीम के चयन समिति के अध्यक्ष के पद छोड़ देले बाड़ें। चेतन शर्मा आपन इस्तीफा बीसीसीआई सचिव जय शाह के भेजले रहले आ उनकर इस्तीफा ओही घरी स्वीकार कई लिहल गईल बा । उनका के सात जनवरी 2023 के दोसरा हाली भारतीय टीम के चयन समिति के अध्यक्ष चुनल गइल रहे। एकरा लगभग एक महीना बादे उनके अपना पद से इस्तीफा देबे के पड़ल बा। दु हाली भारतीय क्रिकेट टीम के मुख्य चयनकर्ता बनलें, बाकिर दूनो बेर आपन कार्यकाल पूरा ना कई सकलें।
कोहली-गांगुली के रिश्तन पs भी खूब बोलले रहले
चेतन शर्मा ईहो आरोप लगवले कि पूर्व कप्तान कोहली आ बीसीसीआई के पूर्व अध्यक्ष सौरव गांगुली के बीचेअहंकार के लड़ाई रहे। चेतन कोहली के कप्तानी विवाद पs खुलासा करतs कहले रहले – कोहली के बुझाइल रहे कि सौरव गांगुली के वजे से उनके कप्तानी गंवावे के पड़ल, बाकिर अइसन बात ना रहे । चयन समिति के वीडियो कॉन्फ्रेंस में कई लोग रहले, तब गांगुली कोहली से कहले रहले कि- फैसला के लेके एक बेर सोच लs। हमरा लागत बा कि कोहली एकरा के ना सुनलें बीसीसीआई एह मामला के बाड़ा गंभीरता से लिहलस, काहें की चीफ सेलेक्टर चेतन कई गो विवादित दावा कइले रहले। बोर्ड के संगे कॉन्ट्रैक्ट में रहत कवनो खेलाड़ी भा अधिकारी के मीडिया में कइसनो निजी मामला पs बातचीत के इजाजत ना होला। चेतन एकर उल्लंघन कइले रहले। ऐहि वजे से उनका अब अपना पद से इस्तीफा देने की पड़ल बा।