मुख्यमंत्री योगी आदित्यनाथ कहले कि देश अवुरी राज्य के विकास में तकनीकी संस्थान के योगदान महत्वपूर्ण बा। एह तकनीक के फायदा समाज के देबे खातिर तकनीकी संस्थानन के आगे आवे के पड़ी। उ मंगलवार के मदन मोहन मालवीय प्रौद्योगिकी विश्वविद्यालय में बनल आधुनिक प्रशासनिक भवन के उद्घाटन में मुख्य अतिथि के रूप में बोलत रहले।
राज्य के मुख्यमंत्री योगी आदित्यनाथ मंगल के दिने दू दिन के दौरा पs आवत बाड़न। उ मदन मोहन मालवीय प्रौद्योगिकी विश्वविद्यालय में नया प्रशासनिक भवन के उद्घाटन कईले। एकरा बाद उ गोरखनाथ मंदिर खातिर रवाना हो गईले।
बता दी कि सीएम योगी 11.86 करोड़ रुपिया के लागत से पूरा भइल एमएमएमयूटी में बनल नया प्रशासनिक भवन के उद्घाटन कइलन। कुलपति प्रो. जेपी पाण्डेय एक दिन पहिले से सगरी तइयारी करा लिहले रहले।
एमएमएमयूटी के प्रशासनिक भवन के ऊपरी मंजिल पs कुलपति के कार्यालय अवुरी प्रो कुलपति के कार्यालय बनावल गईल बा। एही मंजिल पर सामने एगो हॉल तइयार कइल गइल बा जवना में दू सौ लोग बइठे के बा। रजिस्ट्रार के कार्यालय के संगे पहिला मंजिल पs संकाय के सभ डीन के कार्यालय होई। भूतल पs दाहिने ओर परीक्षा विभाग आ बाईं ओर वित्त विभाग होखी। पार्किंग के अलावे तहखाना में लिफ्ट, बिजली अवुरी फायर कंट्रोल रूम होई।
अब पुरान प्रशासनिक भवन में फार्मेसी के पढ़ाई होई। दवाई के दुकान खातिर नया भवन बनावल जा रहल बा। नया भवन बनला के बाद फार्मेसी विभाग के ओहिजा शिफ्ट कs दिहल जाई। एकरा बाद विश्वविद्यालय प्रशासन अपना सुविधा के मुताबिक ए भवन में नाया कोर्स शुरू क सकता।
साभार- अमर उजाला
