छपरा। यात्रियन के सुविधा के ध्यान में रखत रेलवे प्रशासन गाड़ी संख्या 15114/15113 छपरा कचहरी-गोमती नगर एक्सप्रेस के संचलन अब छपरा कचहरी के जगह छपरा जंक्शन तक करे के निर्णय लेले बा। ई बदलाव यात्रियन के मांग के ध्यान में रखत कइल गइल बा। ई ट्रेन छपरा से मशरख, कप्तानगंज आ गोरखपुर होत लखनऊ तक के सफर करेले। छपरा के उत्तरी हिस्सा आ गोपालगंज जिला के यात्रियन खातिर ई ट्रेन लखनऊ तक के यात्रा में सहूलियत प्रदान करेला। ई क्षेत्र से लखनऊ तक जाने वाली एकमात्र ट्रेन बिया।
एह बदलाव से यात्रियन के ना खाली छपरा जंक्शन से ट्रेन पकड़े के सुविधा मिली , बल्कि सफर में समय आ संसाधनन के बचतो होई। ट्रेन के सब स्टेशनन पs समय-सारणी में कवनो बदलाव नइखे कइल गइल, आ ई पहिलही लेखा रहे। रेलवे प्रशासन के ई डेग यात्रियन के बढ़त मांग आ उनका सफर के सुगम बना के दिशा में एगो सकारात्मक प्रयास बा।
इहों पढ़ीं: आईपीएल 2025: मेगा नीलामी में टूटल कइयन गो रिकॉर्ड, 13 साल के खिलाड़ी पs लागल बोली
एह रूट से होके चली छपरा कचहरी-गोमती नगर एक्सप्रेस
-छपरा जं. से चले वाली ट्रेन संख्या 15114 छपरा जं.-गोमती नगर एक्सप्रेस छपरा जं. से 18:50 बजे प्रस्थान कs के छपरा कचहरी 19:05 बजे पहुंचके 19:10 बजे छूटी।
-गोमती नगर से से चले वाली 15113 गोमती नगर-छपरा जं. एक्सप्रेस छपरा कचहरी से 08:40 बजे पहुंचके आ 08:45 बजे छूटके छपरा जं. 09:00 बजे पहुँची।
