यूपी के कानपुर में अपना दस साल के एकलौता बेटा के निधन के बाद भी उनुकर महतारी इंसानियत के अनोखा उदाहरण पेश कईले बाड़ी। महिला 11 साल के बच्चा के माफ कs देली, जेकरा चलते उनुकर आंख के तारा हमेशा खातीर एs दुनिया से गायब हो गईल।
दरअसल कानपुर में क्रिकेट खेलत घरी नो बॉल के लेके बच्चा के बीच भईल झगड़ा के दौरान एगो अवुरी बच्चा खिसिया के महिला के बेटा के बल्ला से मार देलस, जवना से उनुकर मौत हो गईल। बेटा के मौत के बाद पुलिस से लेके महतारी के आसपास के लोग उनुका के आरोपी बच्चा के खिलाफ मामला दर्ज करावे के सलाह देले, बाकिर उs अयीसन ना कईली।
आरोपी बच्चा के महतारी के दर्द के समझत महिला आरोपी के खिलाफ रिपोर्ट दर्ज करावे से इनकार कs देली कि खेल में विवाद जरूर होखेला, उs बच्चा जानबूझ के हमरी बेटा के तनी मार देले रहे।
असल में ई पूरा मामिला अतवार के सबेरे भइल. जाजमऊ इलाका के केडीए कॉलोनी में रहे वाला 10 साल के आरिज स्थानीयता के अपना दोस्तन के संगे सामने वाला एकता पार्क में क्रिकेट खेले गईल रहले। उs गेंदबाजी करत रहले जबकि आगे के एगो अवुरी लईका बल्लेबाजी करत रहे।
