स्पोर्ट्स डेस्क: चैंपियंस ट्रॉफी (Champions Trophy) के सुरुआत में अब कुछे घंटा बाकी बा। आठ साल बाद एह टूर्नामेंट के वापसी हो रहल बा जवना के आयोजन हाइब्रिड मॉडल में हो रहल बा। एकर मुकाबला पाकिस्तान आ दुबई में खेलल जाई। टू्र्नामेंट के आगाज पाकिस्तान बनाम न्यूजीलैंड मैच से होई।
चैंपियंस ट्रॉफी के मुकाबला कराची, लाहौर आ रावलपिंडी में होई। टूर्नामेंट में कुल आठ टीम हिस्सा ले रहल बाड़ी सs। पहिला मुकाबला मेजबान पाकिस्तान आ न्यूजीलैंड के बीच होई। हाले में कीवी ट्राई सीरीज के फाइनल में पाकिस्तान के मात देले रहे लो। मानल जा रहल बा कि एह टूर्नामेंट के पहिला मैच में पाकिस्तान के मुंह के खाये के पड़ सकत बा।
हमनी के इहां रउआ के पाकिस्तान बनाम न्यूजीलैंड मैच के लाइव स्ट्रीमिंग से जुड़ल जानकारी दे रहल बानी सs…
कब खेलल जाई Champions Trophy 2025 के पहिला मुकाबला?
19 फरवरी माने बुध के चैंपियंस ट्रॉफी 2025 के पहिला मुकाबला खेलल जाई।
कवना टीमन के बीच चैंपियंस ट्रॉफी 2025 के पहिला मुकाबला खेलल जाई?
पाकिस्तान आ न्यूजीलैंड के बीच चैंपियंस ट्रॉफी 2025 के पहिला मुकाबला खेलल जाई।
कहां आ केतना बजे से खेलल जाई चैंपियंस ट्रॉफी 2025 के पहिला मुकाबला?
राष्ट्रीय स्टेडियम, कराची में चैंपियंस ट्रॉफी 2025 के पहिला मुकाबला पाकिस्तान आ न्यूजीलैंड के बीच खेलल जाई। एह मैच के आगाज दुपहरिया 2:30 बजे होई जबकि एकरा आधा घंटा पहिले माने दुपहरिया दु बजे टॉस होई।
कवना टीवी चैनल पs प्रसारित होई चैंपियंस ट्रॉफी 2025 के पहिला मुकाबला?
चैंपियंस ट्रॉफी के पहिला मुकाबला स्टार्स स्पोर्ट्स आ नेटवर्क 18 के चैनलन पs देखल जा सकी।
Champions Trophy 2025 के पहिला मैच के लाइव स्ट्रीमिंग कहां होई?
चैंपियंस ट्रॉफी 2025 के पहिला मैच के लाइव स्ट्रीमिंग जियोहॉटस्टार ऐप पs होई।
दुनो टीम
पाकिस्तान – मोहम्मद रिजवान (कप्तान), बाबर आजम, फखर जमान, कामरान गुलाम, सउद शकील, तैयब ताहिर, फहीम अशरफ, खुशदिल शाह, सलमान अली आघा, उस्मान खान, अबरार अहमद, हैरिस रउफ, मोहम्मद हसनैन, नसीम शाह और शाहीन शाह अफरीदी।
न्यूजीलैंड – मिचेल सैंटनर (कप्तान), माइकल ब्रेसवेल, मार्क चैपमैन, डेवोन कॉनवे, लोकी फर्ग्यूसन, मैट हेनरी, टॉम लैथम, डैरिल मिचेल, विल ओ रुड़की, ग्लेन फिलिप्स, रचिन रवींद्र, नाथन स्मिथ, केन विलियमसन, विल यंग और जैकब डफी।
Read Also: भोजपुरी आ अवधी अकादमी बनी’, UP विधानसभा में बोललें योगी आदित्यनाथ
