सीबीआई कॉरपोरेट लॉबिस्ट नीरा राडिया के टेपिंग मामिला में क्लीन चिट दे देहल गइल बा। सीबीआई सुप्रीम कोर्ट के बतवले बा कि पूर्व कॉरपोरेट लॉबिस्ट नीरा राडिया के खिलाफ उनकर राजनेता, वकीलन, पत्रकारन अउर उद्योगपतियन के बीच भइल बातचीत के टेप के सामग्री के जांच में उनके कौनो आपत्तिजनक बात नाइ मिलल बा।
सीबीआई कहलस- कौनो मामला नाइ बनले के कारन प्रारंभिक पूछताछ बंद कs देहल गइल
केंद्रीय जांच ब्यूरो (CBI) कॉरपोरेट लॉबिस्ट नीरा राडिया के 8,000 अलग-अलग टेप बातचीत से संबंधित मामिला में क्लीन चिट देत कहलस कि उ एहसे जुड़ल 14 मामिला में प्रारंभिक जांच कइले रहे लेकिन कौनो मामला नाइ बनले के कारण प्रारंभिक पूछताछ बंद कs देहल गइल।
नीरा राडिया बनाम रतन टाटा मामिला में सुप्रीम कोर्ट में हो रहल बा सुनवाई
जस्टिस डीवाई चंद्रचूड़ के अध्यक्षता वाली सुप्रीम कोर्ट के बेंच नीरा राडिया बनाम रतन टाटा मामिला के सुनवाई कs रहल बा। एह याचिका में 84 वर्षीय उद्योगपति लॉबिस्ट नीरा राडिया अउर टाटा समूह के बॉस सहित अन्य व्यक्तियन के बीच टेलीफोन पर भइल बातचीत के मीडिया आउटलेट्स के ओर से प्रकाशित कइल गइले के बाद अपने निजता के अधिकार के रक्षा के मांग कइल गइल बा।
Comments are closed.