कसया थाना क्षेत्र के बैजनाथपुर गांव के बाबू टोला में शनिचर के एगो विवाहिता के संदिग्ध परिस्थितियों में मौत हो गइल रहे। एह मामला में मृतका के पिता के तहरीर पर पुलिस ओकरे पति, ससुर अउरी दू अन्य लोग सहित चार लोग के खिलाफ दहेज हत्या के केस दर्ज कs के कारवाही शुरू कs देहल गइल।
रामकोला थाना क्षेत्र के लौकरिया सिंह गांव निवासी रामदरश के बेटी पूजा के शादी, कसया थाना क्षेत्र के गांव बैजनाथपुर के बाबू टोला निवासी रमाशंकर के बड़ बेटा सत्येंद्र कुमार से 18 मार्च 2021 के भइल रहे।
पिता पुलिस के दीहल तहरीर में आरोप लगवले बानें कि उनके बेटी के शादी के बाद से ही ससुराल में ससुराली दहेज खातिर प्रताड़ित कइल जात रहे। एह संबंध में सीओ पीयूष कांत राय बतवलें कि पोस्टमार्टम के बाद शव के उनका मायके वालन के सौंप दिहल गइल बा। आवश्यक कार्रवाही चल रहल बा।