निर्वाचन आयोग शनिचर के पांच राज्यन के विधानसभा सीट पर एक लोकसभा सीट पर उपचुनाव के तारीख के एलान कs दिहलस। आयोग के मुताबिक, एह सीट पर पांच दिसंबर के मतदान होई, जबकि आठ दिसंबर के हिमाचल अउर गुजरात चुनाव के गिनती के साथ ही उपचुनाव में पड़ल वोट के भी गिनती होई।
कहां-कहां होई उपचुनाव?
जौने पांच राज्यन के विधानसभा सीट पर चुनाव के एलान कइल गइल बा, ओमें ओडिशा के पदमपुर सीट, राजस्थान के सरदारशहर, बिहार के कुरहनी, छत्तीसगढ़ के भानुप्रतापपुर, उत्तर प्रदेश के रामपुर सीट शामिल बा। एकरे अलावा जौन संसदीय सीट पर उपचुनाव होखे के बा, उ ह उत्तर प्रदेश के मैनपुरी सीट, जौन कि सपा संरक्षक मुलायम सिंह यादव के निधन के बाद खाली भइल रहे।
का ह चुनाव के तारीख?
चुनाव आयोग के मुताबिक, उपचुनाव खातिर गजट नोटिफिकेशन 10 नवंबर के जारी होई। नामांकन के आखिरी तारीख 17 नवंबर रखल गइल बा। उम्मीदवारी वापस लेहल अंतिम तारीख 21 नवंबर ह। उहवें, पांच दिसंबर के उपचुनाव खातिर मतदान होई। मत के गिनती 8 दिसंबर के तय कइल गइल बा। गौरतलब बा कि हिमाचल अउर गुजरात चुनाव के नतीजा भी एही दिन घोषित कइल जाई।