कारोबारी के पत्नी आ बेटी के गईल जान, 5 घायलन के हायर सेंटर रेफर कइल गइल

Minee Upadhyay

 

संभल से बड़ खबर बा। पटाखा कारोबारी के घर में धमाका हो गईल। धमाका एतना तेज रहे कि घर पूरा तरह से तबाह हो गईल। घटना के जानकारी तक पहुंचल पुलिस मलबा के नीचे दफन 11 लोग के बचा के बाहर निकाल लेलस। एहमें महतारी बेटी समेत तीन गो के मउत हो गइल। गंभीर रूप से घायल 5 लोग के उच्च केन्द्र रेफर कर दिहल गइल बा। पटाखा कारोबारी के पुलिस गिरफ्तार क लेले बिया। घटना गुन्नौर कस्बा के मोहल्ला सराय के ह।

घर में पटाखा गोदाम राखल रहे।मोहल्ला सराय निवासी साबीर अली के बेटा सलीम आतिशबाजी के काम करेला। साबीर अपना घर में पटाखा गोदाम बनवले बाड़े। शाम के अचानक बारूद में आग लाग गईल जवना के चलते विस्फोट हो गईल। धमाका एतना तेज रहे कि घर के छत उड़ गईल। जबकि आसपास के घर भी विस्फोट के चपेट में आ गईले। ए दुर्घटना में साबीर के पत्नी गुड्डो (40 साल), बेटी अनम (25 साल) अवुरी सुमिया (12 साल) के बेटी पप्पू के मउत हो गईल बा।

विस्फोट के जानकारी मिलते पुलिस अवुरी दमकल विभाग के टीम मौका पs पहुंच गईल। बचाव के बाद सभ लोग के बाहर निकालल गईल अवुरी घाही के इलाज खातीर सामुदायिक स्वास्थ्य केंद्र गुन्नौर में भर्ती करावल गईल। जहां डाक्टर लोग घायल लोग के प्राथमिक चिकित्सा देले। गंभीर रूप से घायल 5 लोग के अलीगढ़ उच्च केन्द्र रेफर कर दिहल गइल।

चंदौसी से आतिशबाजी के दू टुकड़ा लेके आइल रहले आतिशबाजी के व्यापारी साबीर अली मंगल के दिने दवाई लेबे खातिर बबराला गइल रहले बतवले। चंदौसी से आतिशबाजी के दू टुकड़ा रखल गइल। एही बीच उनुका घर में विस्फोट हो गईल अवुरी परिवार के लोग ओकरा में दफन हो गईले।

Share This Article
Content Creator
Follow:
भोजपुरी पत्रकारिता में 2 साल से काम कइला के अनुभव। भोजपुरी में समाचार लिखे के गहिराह जानकारी के संगे फिलिम, मनोरंजन, स्पेशल स्टोरी आदि सेगमेंट्स के खबरन के पढ़े खातिर हमरा संगे बनल रही खबर भोजपुरी पs।