यूपी के कुल्ही जिला से दिल्ली खातीर बस शुरू: CM 100 गो नया बस रवाना कईने, 10% जादा होई किराया; स्टॉपेज कम लेंई

 

 

उत्तर प्रदेश बस सेवा के स्थापना के 50 साल पूरा होखला पे सीएम योगी 75 जिला के राजधानी दिल्ली से जोड़ देले। यूपी के यात्रियन खातीर 100 नया बसन के झंडा दिखवने। एहमें से 93 गो बस राजधानी एक्सप्रेस ह जवन यूपी के 75 जिला से दिल्ली ले चली।

7 गो साधारण बस बा जवन यूपी के भीतर चली। दिल्ली से आइल बा दूर-दूर के जिला खातिर 2-2 बस चली। मांग पे

बस के संख्या बढ़ावल जाई। राजधानी एक्सप्रेस बस के

किराया सामान्य से 10% जादा होई।

देश के सबसे बड़ लोक सेवा यूपी परिवहन : सीएम योगी कहले कि, परिवहन निगम के स्थापना दिवस पे यात्री के सुविधा खातीर 100 बस भेजल गईल बा। राज्य परिवहन निगम के सेवा आजादी से महज कुछ महीना पहिले उत्तर प्रदेश में शुरू हो गईल रहे। एकरा बाद 1 जून 1972 के यूपी परिवहन निगम में बदलाव भईल अवुरी इ देश के सबसे बड़ लोक सेवा बन गईल। उत्तर प्रदेश राज्य पथ परिवहन निगम 50 साल से लगातार सार्वजनिक परिवहन के रूप में लोग के सुचारू अवुरी सुरक्षित यात्रा के इंतजाम करत आईल बा।

सीएम सड़क दुर्घटना पे चिंता जतवले सीएम योगी उत्तर प्रदेश में होखत सड़क दुर्घटना पे चिंता जतवले बाड़े। उ कहले कि, कोरोना में जवन तीन साल में ना भईल ओकरा से जादे मउत एक साल में सड़क दुर्घटना के चलते भईल। ई हमनी खातिर एगो चेतावनी बा आ चिंता के विषय भी होखे के चाहीं। व्यापक जागरूकता के जरूरत बा। सड़क सुरक्षा के नियम के पालन करके हमनी के असंख्य जान बचा सकेनी जा।

सीएम योगी कहले कि, निजी संचालक के भी अपना संगे जोड़ीं, ताकि अधिकतम संख्या में सार्वजनिक परिवहन यात्री के लाभ उठावल जा सके। इलेक्ट्रिक बस सेवा के मांग लगातार बढ़ रहल बा। अधिकतम ई बस चलावल जाई। अत्याधुनिक बस स्टेशन बनावल जाई आ यात्रियन के बेहतर सुविधा दिहल जाई।

परिवहन लाभ में पहली बार : दयाशंकर

परिवहन मंत्री दयाशंकर शंकर सिंह कहले कि, “परिवहन विभाग 50 साल पूरा क लेले बा। सीएम योगी आदित्यनाथ के नेतृत्व में पछिला साल में विभाग के बढ़ावा देवे खातीर बहुत काम भईल बा। उ आर्थिक सहायता देले, ताकि यूपी में 2000 बस चल गईल।” सीएम के मदद से परिवहन पहिला बेर फायदेमंद हो गईल बा, पहिले जहां रोजाना 12 से 13 करोड़ के आमदनी होखत रहे, अब उ आमदनी 18 से 21 करोड़ से ऊपर पहुंच गईल बा।

किराया 10% जादा होई

राजधानी बस सेवा के किराया सामान्य बस से 10% जादा होई। समय से दिल्ली पहुंचला के चलते ए बस के स्टॉप बहुत कम होई। इ बाकी बस के मुक़ाबले तेज चले के होई। अयीसना में कम समय में दिल्ली पहुंच जाई।

लखनऊ के बाद दिल्ली से जुड़ल सभ शहर के सभ जिला मुख्यालय से लखनऊ खातिर पहिला बस सेवा शुरू भईल। अब दिल्ली खातिर ई सेवा शुरू हो गइल बा। 2 जून के योगी आदित्यनाथ सीएम के आवास से ए बस के झंडा देखावे वाला रहले। लेकिन, कवनो कारण से कार्यक्रम एक दिन खातिर टाल दिहल गईल। परिवहन निगम के प्रवक्ता अजीत सिंह कहले कि इ योजना सरकार के सपना के परियोजना में से एगो ह। जनता के आसान आ सस्ता परिवहन सेवा उपलब्ध करावल जा रहल बा।

 

।

5572500cookie-checkयूपी के कुल्ही जिला से दिल्ली खातीर बस शुरू: CM 100 गो नया बस रवाना कईने, 10% जादा होई किराया; स्टॉपेज कम लेंईno