BSNL के घाटा बढ़के 8,161 करोड़ रुपिया पे पहुंच गईल, जल्दिए 4G सर्विस शुरू करी कंपनी

कंपनी तीन महीना के ट्रायल के बाद 200 साइट के संगे 4जी नेटवर्क शुरू करे के तैयारी कईले बिया। कंपनी जल्दिए आपन नेटवर्क बढ़ा के औसतन रोज 200 साइट क सकेले।

सरकारी दूरसंचार कंपनी भारत संचार निगम लिमिटेड (बीएसएनएल) के घाटा मार्च में खतम भइल वित्तीय साल में बढ़ के 8,161 करोड़ रुपिया हो गइल। पिछला वित्तीय साल में ई 6982 करोड़ रुपिया रहल। कंपनी के घाटा में बढ़ोतरी के प्रमुख कारण सरकार के देवे के समायोजित सकल राजस्व (एजीआर) के प्रावधान बा।

मीडिया रिपोर्ट के मुताबिक, पछिला वित्तीय साल में कंपनी एजीआर बकाया के ओर 17,688 करोड़ रुपया के प्रावधान कईले बिया अवुरी एकरा के 16,189 करोड़ रुपया के व्यवहार्यता अंतर के फंडिंग मिलल बा। एकरा चलते कंपनी के 1499 करोड़ रुपया के असाधारण घाटा देखाई देलस अवुरी एकरा से कंपनी के कुल घाटा बढ़ गईल बा। पिछला वित्तीय साल में कंपनी के कुल खरचा 5.1 फीसदी बढ़ के 27,364 करोड़ रुपिया हो गइल. एहमें कर्मचारी लागत 7952 करोड़ रुपिया रहल। हालांकि बीएसएनएल के राजस्व में करीब 14 प्रतिशत के बढ़ोतरी भईल बा। पिछला वित्तीय साल में कंपनी के 19,130 ​​करोड़ रुपया के राजस्व मिलल बा। पिछला वित्तीय साल में ई 16,811 करोड़ रुपिया रहल। कंपनी के राजस्व के 29 प्रतिशत मोबाइल सेवा के हिस्सेदारी रहे। सरकार कंपनी के चालू वित्तीय साल में 20,008 करोड़ रुपया के राजस्व के लक्ष्य देले बिया।

बीएसएनएल तीन महीना के ट्रायल के बाद 200 साइट के संगे 4जी नेटवर्क शुरू करे के तैयार बा। कंपनी जल्दिए आपन नेटवर्क बढ़ा के औसतन रोज 200 साइट क सकेले। कंपनी लगभग 1.23 लाख साइट पे 4जी नेटवर्क शुरू करे खातीर टाटा कंसल्टेंसी सर्विसेज (टीसीएस) अवुरी आईटीआई लिमिटेड के 19,000 करोड़ रुपिया से जादे के ऑर्डर देले बिया।

हालही में आईटी आ संचार मंत्री अश्विनी वैष्णव बतवले रहले कि बीएसएनएल के योजना बा कि दिसंबर ले आपन 4जी नेटवर्क के 5जी में अपग्रेड कर दिहल जाव। उ कहले कि, “हम देश में 4जी-5जी स्टैक बनवले बानी। ए स्टैक के इंस्टालेशन बीएसएनएल से शुरू भईल बा। चंडीगढ़ अवुरी देहरादून के बीच 200 जगह पे इ काम पूरा हो चुकल बा अवुरी अगिला दु सप्ताह में इ सेवा शुरू हो जाई।” महीना भर के परीक्षण के बाद हमनी के औसतन रोज 200 साइट के संगे आगे बढ़ब, ओकरा बाद दिसंबर तक छोट-मोट सॉफ्टवेयर समायोजन के संगे 5जी में अपग्रेड करब।” बीएसएनएल अप्रैल में पंजाब के कुछ इलाका में ट्रायल के आधार पे 4जी सेवा शुरू कईले रहे।

 

 

 

5572120cookie-checkBSNL के घाटा बढ़के 8,161 करोड़ रुपिया पे पहुंच गईल, जल्दिए 4G सर्विस शुरू करी कंपनीno