ई हs सस्ता रिचार्ज प्लान! हर महीना 126 रुपिया के खर्च पs 2GB डाटा प्रतिदिन समेत 365 दिन के वैधता

Anurag Ranjan

सरकारी टेलीकॉम कंपनी BSNL वार्षिक प्लान ऑफर कs रहल बिया जवना के कीमत 1,515 रुपिया बा। एमे कइयन बंपर बेनिफिट्स दिहल जा रहल बा। कवनो लोग आजुओ BSNL के इस्तेमाल कर रहल बा, फेर चाहें उ सेकेंडरी सिम के तौर पर होखे भा प्राइमरी सिम के तौर पs। जदि रउआ सेकेंडरी सिम के तौर पs बीएसएनएल सिम के इस्तेमाल कर रहल बानी आ रउआ बेर-बेर रिचार्ज के झंझट नइखी लेहल चाहत तs ई प्लान रउआ बहुते पसंद आ सकत बा। BSNL के 1,515 प्लान के डिटेल्स इहां जानीं।

BSNL के 1,515 प्लान के डिटेल्स:

एह प्लान में यूजर्स के हर दिन 2 जीबी डाटा दिहल जा रहल बा। संगही अनलिमिटेड कॉलिंगो के सुविधा दिहल जा रहल बा। एह प्लान में दैनिक डाटा खतम होखला के बाद डाटा के स्पीड 40KBPS रह जाला। समूचा वैधता के दौरान यूजर्स के 730 जीबी डाटा दिहल जाई। मे यूजर्स के 365 दिन के वैधता दिहल जा रहल बा।

हर महीना केतना देवे के पड़ी खरचा: 

जदि हर महीना के खरचा पs नजर डालल जाव तs ई 126 रुपिया होई। ओहिजा, हर दिन के खरचा 5 रुपिया के आई। जदि रउआ एगो अइसन प्लान चाहीं जेमे डाटा, कॉलिंग सहित समूचा साल के वैधता दिहल जा रहल बा तs रउआ ई प्लान पसंद आ सकत बा। एकरा खातिर BSNL ऐप आ वेबसाइट से रिचार्ज करा सकत बानी। एकरा के कुछे टेलिकॉम सर्कल्स में दिहल जा रहल बा। रिचार्ज करे से पहिले रउआ ई चेक कs लीं कि ई प्लान रउआ सर्कल में उपलब्ध बा कि ना।

Share This Article
Content Creator
Follow:
सिविल इंजीनियर, भोजपुरिया, लेखक, ब्लॉगर आ कमेंटेटर। खेल के दुनिया से खास लगाव। परिचे- एगो निठाह समर्पित भोजपुरिया, जवन भोजपुरी के विकास ला लगातार प्रयासरत बा। खबर भोजपुरी के एह पोर्टल पs हमार कुछ खास लेख आ रचना रउआ सभे के पढ़े के मिली। रउआ सभे हमरा के आपन सुझाव anuragranjan1998@gmail.com पs मेल करीं।