पांच जनवरी के अमेरिका में अलास्का एयरलाइन के एगो विमान पोर्टलैंड शहर के हवाई अड्डा से उड़ान भरत बा। बोइंग 737-9 मैक्स सीरीज के एह प्लेन में 171 पैसेंजर आ छव गो क्रू मेंबर सवार रहे लो। चंद मिनट बाद जइसही विमान 16 हजार फीट के ऊंचाई पs पहुंचल, ओकर एगो दरवाजा टूट गइल।
प्लेन में एयर प्रेशर एतना घट गइल कि लोगन के लागल उनका कान के परदा फट जाई। विमान के तुरंत इमरजेंसी लैंडिंग खातिर उतारल गइल।
एह घटना के 24 घंटा के भीतर एक ओरि अमेरिका 737-9 मैक्स सीरीज के करीब 171 विमानन के उड़ान पs रोक लगा दिहल। ओहिजा, भारत के एविएशन रेगुलेटर DGCA एयरलाइन कंपनियन के अपना बेड़ा में सामिल एह सीरीज के बोइंग 737-8 मैक्स प्लेन के इमरजेंसी एग्जिट डोर के सिक्योरिटी चेक के आदेस दे दिहल गइल।
