सीवान के सिसवन गांव में अपराधी सब एगो युवक के हत्या कs दिहलें सब। ऊ मंगर के अद्ध रात के घर के बरामदा पर सूतल रहनें। तब्बे अपराधी सब गटई रेत के हत्या क दिहलें सब। बुध के बिहाने लोग लाश देखल त इलाका में हड़कंप मच गइल। आसपास के लोग के भीड़ लाग गइल।
ओंने, सूचना मिलतही पुलिस मौका पर पहुंच गइल। पुलिस शव के कब्जा में ले के पोस्टमार्टम खातिर भेज दिहलस। पुलिस के कहनाम बा कि हत्या के कारण के पता लगावल जा रहल बा। कुछ लोग से पूछताछ कइल जा रहल बा। मामिला में आगे कार्रवाई चल रहल बा।