वैशाली के पुलिस अधीक्षक हर किशोर राय आपराधिक घटना के रोके में नाकाम रहल सदर थाना प्रमुख अरविंद कुमार के तत्काल प्रभाव से निलंबित कऽ देले बाड़े। एकरा अलावे पुलिस केंद्र में तैनात तीन सिपाही अवुरी स्पेशल ब्रांच, पटना के माध्यम से काम करेवाला एगो सिपाही के खिलाफ कार्रवाई कइले बाड़े। बतावल जाता कि हाजीपुर थाना क्षेत्र में चार सिपाही बिना वर्दी आ अधिकारी के आदेश के बिना गाड़ी के जांच करत पकड़ल गइले। एगो सिपाही के खिलाफ कार्रवाई खातिर पटना के विशेष शाखा में पत्राचार भेजल गईल बा।
बिना वर्दी के गाड़ी के जांच करत रहले
पुलिस अधीक्षक हरकिशोर राय बतवले कि पटना के विशेष शाखा से थाना केन्द्र में काम करे वाला सिपाही राज किशोर कुमार, कविंद्र कुमार अखिलेश कुमार मांझी अउरी हाजीपुर में काम करेवाला सिपाही आकाश कुमार बिना वर्दी पहिनले आ बिना कवनो आदेश के हाजीपुर थाना क्षेत्र में संदिग्ध तरीका से घुस गइले आ बिना कवनो अधिकारी के आदेश के गाड़ी के जांच करत रहले।
एसपी तीन पुलिसकर्मी के निलंबित कऽ दिहलें
उक्त पुलिसकर्मी के ओर से कईल गइल कार्रवाई से उनकर संदिग्ध आचरण आ अनुशासनहीनता के पता चलता। एहसे उपरोक्त आरोप के आलोक में पुलिस केंद्र हाजीपुर में काम करेवाला तीन पुलिसकर्मी के निलंबित कऽ दिहल गइल बा। आ एगो पुलिसकर्मी के खिलाफ कार्रवाई खातिर पटना के विशेष शाखा में पत्राचार भेजल गइल बा। सदर थाना प्रमुख के निलंबन के बाद खाली भइल थाना प्रमुख के पद पऽ इंस्पेक्टर रविकांत कुमार पाठक के तैनात कइल गइल बा।
