फेमस भोजपुरी एक्ट्रेस अक्षरा सिंह ज्वाइन करिहें जन सुराज पार्टी, आजु दुपहर 3 बजे होइ कार्यक्रम

Minee Upadhyay

 

भोजपुरी फिल्म के मशहूर अभिनेत्री अक्षरा सिंह आजु दुपहरिया तीन बजे जन सूराज पार्टी से जुड़ जइहें। उ पार्टी के सदस्यता पाटलिपुत्रा कॉलोनी में स्थित जन सूराज कार्यालय में लीही। अक्षरा सिंह के राजनीति में आपन किस्मत आजमावे के लेके राजनीतिक सियासी गलियारा में चर्चा के दौर शुरू हो गईल बा। लोग के मानना ​​बा कि 2024 के चुनाव में उ टिकट के दावेदार भी हो सकेली। उल्लेखनीय बा कि अक्षरा सिंह बिहार के एगो जानल मानल नाम हs। अयीसना में उनुका राजनीति में प्रवेश से पार्टी के बहुत फायदा हो सकता।

ध्यान देवे वाला बात बा कि प्रशांत किशोर से मुलाकात के बाद अक्षरा अपना पार्टी में शामिल होखे के फैसला कईले बाड़े। लोकसभा चुनाव में अक्षरा के भी मउका मिले के चाही, एह में कवनो शक नईखे।

प्रशांत किशोर पार्टी बनावे के एलान कईले रहले

असल में चुनावी रणनीतिकार प्रशांत किशोर एकरा से पहिले जन सुराज अभियान शुरू कs देले रहले। एकरा बाद उ एगो राजनीतिक दल बनावे के घोषणा कईले। उ कहले कि पार्टी के गठन सिर्फ जन सुराज नाम से होई। प्रशांत कहले रहले कि बिहार के जनता चाहता कि एगो नाया विकल्प पैदा होखे अवुरी नाया बिहार के विजन के साकार कईल जा सके।

गाँव- गाँव घूमत बाड़े पीके

प्रशांत किशोर बिहार के गांव-गांव में घूम के आपन विचारधारा से जनता के जोड़े के कोशिश में लागल बाड़े। ए दौरान उ गठबंधन सरकार अवुरी भाजपा के निशाना बनावत बाड़े। उनुकर मुख्य निशाना लालू अवुरी नीतीश पs बा। अक्षरा सिंह के पार्टी में शामिल होखला से पीके के हाथ मजबूत हो जाई। काहे कि अक्षरा सिंह भोजपुरी सिनेमा के बड़की अभिनेत्री हई आ रवि किशन, निरहुआ आ खेसारी लाल समेत कई गो बड़का कलाकारन के साथे हिट फिल्म दे चुकल बाड़ी।

 

 

 

Share This Article
Content Creator
Follow:
भोजपुरी पत्रकारिता में 2 साल से काम कइला के अनुभव। भोजपुरी में समाचार लिखे के गहिराह जानकारी के संगे फिलिम, मनोरंजन, स्पेशल स्टोरी आदि सेगमेंट्स के खबरन के पढ़े खातिर हमरा संगे बनल रही खबर भोजपुरी पs।