Basti: स्टे के जमीन पs पहले तुड़ल गइल मंदिर फेरु भइल अवैध निर्माण, मूकदर्शक बनल रहल पुलिस, थानेदार पs गिरल गाज
पुरानी बस्ती थाना के एसएचओ योगेश सिंह के मंदिर तूड़ले के बाद विवादित स्थल पs मंदिर के फेर से बनावे के आरोप में निलंबित क दिहल गईल बा। दरअसल कुछ प्रॉपर्टी डीलर पहिले एगो मंदिर गिरा दिहले, आ फेर धमकावे के बल पs विश्व हिन्दू परिषद के नेता लोग ओहिजा मंदिर बनावे लागल, टाउनशिप पुलिस प्रशासन एह पूरा घटना के मूक दर्शक बनल रहल, जब बात सरकार तक पहुंचल त… बस्ती के थानेदार के निलंबित कर दिहल गइल ।
पूरा बात का रहे
दरअसल कुछ प्रॉपर्टी डीलर सबसे पहिले जेसीबी से विवादित जमीन पs बनल मंदिर के गिरा देले, जब इ मामला विश्व हिन्दू परिषद के नेता तक पहुंचल त उ लोग ओ विवादित जमीन पs मंदिर के फेर से बनावल शुरू क देले। बस्ती मंडल के आईजी, एसपी, एडीएम, एडिशनल एसपी, एसडीएम के संगे डीएसपी खुद मउका पs पहुंचले अवुरी मामला के जायजा लेले लेकिन बिना कोर्ट चाहे प्रशासन के कवनो आदेश के निर्माण के काम ना रोकले।
जब एक पक्ष आईजी, एसपी से मामला के लेके अपील कईलस अवुरी कहलस कि ए जमीन पs विवाद चलता अवुरी मामला कोर्ट में बा, फिर भी विवादित जमीन पs मंदिर के निर्माण होखता, तब प्रशासन के कान खड़ा हो गईल । एसपी गोपालकृष्ण चौधरी जब पूरा मामला के सीओ से जाँच करावे लगले त उनुका शिकायत सही पावल गईल, जवना के बाद पुरानी बस्ती थाना के एसएचओ योगेश सिंह के ए मामला पs कवनो कार्रवाई ना कईला प तुरंत प्रभाव से निलंबित क दिहल गईल बा।
मामला के जानकारी देत एसपी गोपाल कृष्ण चौधरी कहले कि थाना क्षेत्र पुरानी बस्ती में दु मंजिला संरचना बनल, जवना पs विवाद बा अवुरी मामला कोर्ट में विचाराधीन बा। एह में एक तरफ ऊपर के मंजिल पs एगो मंदिर बनवले रहे, जवना के जेसीबी गिरा दिहलस, जवना में स्थानीय थाना में मामला दर्ज भईल, जवना में मामला के जांच सीओ सिटी कईले रहे, अवुरी पता चलल कि ओकरा बाद भी सूचना मिलते थाना अध्यक्ष पुरानी बस्ती मौका पs मौजूद रहे।लेकिन ना पहुंचले अवुरी उच्च अधिकारी तक के सूचना तक ना देले। ए मामला में दोषी पावल गईला के बाद उनुका के निलंबित क दिहल गईल बा, फिलहाल मौका पs शांति कायम बा।
Comments are closed.