TRP List में ‘शिव शक्ति’ दिहलस ‘अनुपमा’ के मात, ‘ये रिश्ता…’ भइल टॉप 10 से बाहर

Minee Upadhyay

 

एक बेर फेरु बियफ़ें आ गईल बा अवुरी इहे उ दिन बा जब टीआरपी के रिपोर्ट से पता चलता कि कवन टीवी सीरियल जनता के दिल जीतले बा अवुरी केकर कहानी से दर्शक ऊब गईल बा। आखिरकार साल 2023 के 46वां हफ्ता के BARC टीआरपी रेटिंग जारी हो गइल बा। एह हफ्ता रउरा पसंदीदा टीवी शो के रैंकिंग में बहुते बदलाव आइल बा ।‘अनुपमा’ के गिरावट अतना हद तक चहुँप गइल बा कि पिछला हफ्ता के 9 नंबर के शो ‘शिव शक्ति’ भी एकरा के हरा दिहले बा। जबकि ‘ये रिश्ता क्या कहलता है’ स्लॉट लीडरशिप गँवा चुकल बा आ टॉप 10 लिस्ट में जगह तक नइखे मिलल।

शिव शक्ति तप त्याग तांडव’ मारल लंबा छलांग

धार्मिक कहानी पs आधारित टीवी शो ‘शिव शक्ति तप त्याग तांडव’ के रेटिंग में भारी उछाल देखाई देता। पिछला हफ्ता ई शो नौवाँ नंबर पs रहुवे आ एकरा के 18 लाख दर्शकन के छाप मिलल। बाकिर एह हफ्ता शिव पार्वती के बियाह के चलते शो के बहुते पसंद आइल बा। एह शो में ‘अनुपमा’ के भी हरा दिहल गइल बा आ अबकी बेर सीधे नंबर 2 के पोजीशन पs चहुँप गइल बा।

गुम है किसी के प्यार में’ बनल बादशाह

शो ‘गुम है किसी के प्यार में’ आपन लगातार प्रस्तुति के चलते लोग के पसंदीदा हो गइल बा। अबकी बेर भी शो नंबर 1 के स्थान पs कब्जा क लेले बा। ई 5वां हफ्ता बा जब ई शो टीआरपी लिस्ट में नंबर 1 पर बनल बा। शो में एह छलांग के बाद अब एह कहानी के बहुते पकड़ बन गइल बा। जबकि ‘ये रिश्ता क्या कहलता है’ के छलांग के बाद लगातार नुकसान के सामना करे के पड़ता। ई शो पिछला हफ्ता आठवाँ नंबर पs रहुवे आ अबकी बेर ई टॉप 10 से बाहर बा।

इहाँ बा पूरा लिस्ट…..

-गुम है किसी के प्यार में 2.1

२-शिवशक्ति 1.8

-इमली 1.7

४-अनुपमा 1.7

५-परिणिति 1.7

६-तेरी मेरी दूरियां 1.6

७-पंड्या स्टोर 1.6

८-तारक मेहता का उल्टा चश्मा 1.5

९-बिग बॉस 17 1.5

१०-कुंडली भाग्य 1.5

 

 

 

 

 

 

Share This Article
Content Creator
Follow:
भोजपुरी पत्रकारिता में 2 साल से काम कइला के अनुभव। भोजपुरी में समाचार लिखे के गहिराह जानकारी के संगे फिलिम, मनोरंजन, स्पेशल स्टोरी आदि सेगमेंट्स के खबरन के पढ़े खातिर हमरा संगे बनल रही खबर भोजपुरी पs।