2000 रुपया के नोट एक्सचेंज : आरबीआई के ओर से 2000 रुपया के नोट के सर्कुलेशन से बाहर निकालला के बाद अब लोग बैंक में जाके एक्सचेंज करे लागल बाड़े। कुछ बड़ बैंक नोट के आदान-प्रदान पे एगो निश्चित सीमा के बाद सर्विस चार्ज लगवले बाड़े।
2000 के नोट पे रोक लगावे के बाद आरबीआई एक बेर में बदले खातीर मात्र 20 हजार रुपया के सीमा तय कईले बिया। हालांकि इ साफ नईखे कि जदी एक दिन में (2000 नोट एक्सचेंज) एकही आदमी बार-बार नोट के आदान-प्रदान करे आवेला त उ केतना बेर अयीसन क सकता। अब बैंकन के एकर समाधान मिल गइल बा। बैंक एगो निश्चित सीमा से ऊपर पईसा जमा करे पे शुल्क लेवे शुरू क देले बाड़े।
ए घोषणा के बाद बैंक भी 23 मई से नोट के आदान-प्रदान के प्रक्रिया शुरू क देले बाड़े। हालांकि आरबीआई कवनो सीमा नईखे लगवले, ताकि आदमी कई बेर नोट बदल सके चाहे जमा कर सके। एकरा पे रोक लगावे खातीर अब बैंक नोट के आदान-प्रदान पे फीस लेवे के नियम बनवले बाड़े। कई गो बैंक एह लेनदेन पे सर्विस चार्ज लेबे के बात कइले बाड़े। हमनी के बतावत बानी जा कि एसबीआई समेत अवुरी बड़ बैंक नोट बदले खातीर केतना शुल्क लीहे।
एसबीआई 3 गो फ्री डिपॉजिट दिही
देश के सबसे बड़ सरकारी बैंक एसबीआई (स्टेट बैंक ऑफ इंडिया) एक महीना में मात्र 3 मुफ्त नकद जमा के सुविधा दिही। एकरा बाद बैंक 50 रुपया अवुरी जीएसटी वसूली के बात कहले बा। इहे सुविधा कवनो ग्राहक के खाता में पईसा जमा करे खाती लागू होई। मशीन के माध्यम से नकदी जमा करे खाती कवनो शुल्क नईखे, जबकि डेबिट कार्ड के माध्यम से जमा करे पे 22 रुपया अवुरी जीएसटी के खर्चा होई।
hdfc 4 गो मुफ्त लेनदेन दे रहल बा
निजी क्षेत्र के सबसे बड़ बैंक एचडीएफसी बैंक हर महीना 4 गो मुफ्त लेनदेन देवे के बात कहले बा। ए सीमा से आगे बैंक 150 रुपया के लेनदेन शुल्क लीही। सीमा के बाद ग्राहक हर महीना 2 लाख रुपया जमा क सकेले। एकरा से ऊपर 5 रुपया प्रति हजार यानी 150 रुपया अवुरी टैक्स देवे के होई।
आईसीआईसीआई बैंक भी 4 गो लेनदेन दे रहल बा
निजी क्षेत्र के दूसरा सबसे बड़ बैंक आईसीआईसीआई बैंक एक महीना में 4 बेर ग्राहक के मुफ्त लेनदेन के सुविधा देले बा। एकरा बाद हर लेनदेन प 150 रुपया के फीस देवे के होई। एक महीना में ग्राहक अपना बचत खाता में मात्र एक लाख रुपया जमा क सकतारे। एह सीमा के बाद 5 रुपया प्रति 1000 भा 150 रुपया जवन अधिका होखे ओकरा के फीस के रूप में देवे के होई।
कोटक बैंक 5 गो मुफ्त लेनदेन दे रहल बा
निजी क्षेत्र के एगो अउरी बैंक कोटक महिंद्रा भी हर महीना ग्राहक के 5 गो मुफ्त लेनदेन देवे के बात कईले बा। एहमें जमा आ निकासी दुनु शामिल बा. एह सीमा के पार कइला का बाद डेढ़ सौ रुपिया के लेवी लगावल जाई. बैंक शाखा में पईसा जमा करीं चाहे मशीन के माध्यम से, दुनो में इ शुल्क एकही होई।
Comments are closed.