बलिया: छपरा-वाराणसी मार्ग पs औड़ीहार स्टेशन के निर्माण कार्य पूरा हो गइल बा। मंगलवार से रद्द अवुरी डायवर्ट भईल सभ ट्रेन के परिचालन शुरू हो जाई। 20 दिन बाद सुचारू संचालन से वाराणसी, औड़िहार, गाजीपुर, बलिया, सुरेमनपुर, छपरा जाए वाला यात्रियन के बहुत सुविधा मिली।
देर से चले वाली ट्रेन समय से चली। औड़िहार जंक्शन पs निर्माण कार्य पूरा भइला के बाद मुख्य सुरक्षा अधिकारी के निरीक्षण के बाद ट्रेन के संचालन खातिर ग्रीन सिग्नल दिहल गईल। एकरा बाद 05135- 05136 छपरा-औड़िहार-छपरा, 15111-15112 छपरा-वाराणसी सिटी-छपरा यात्री आ 05169- 05170 बलिया-प्रयागराज रामबाग-बलिया आ 05445-05446 छपरा-वाराणसी सिटी-छपरा पूर्व के अनुसार संचालित होई।
बलकि, लंबा दूरी के ट्रेन छपरा-सूरत-छपरा विशेष गाड़ी, आनंद विहार टर्मिनल-रक्सौल एक्सप्रेस, ओखा-नाहरलगुन विशेष गाड़ी, 11061 लोकमान्य तिलक टर्मिनस-जयनगर एक्सप्रेस, बरौनी-अम्बाला छावनी एक्सप्रेस,छपरा-दिल्ली एक्सप्रेस, बलिया-आनंद विहार टर्मिनल, लोकमान्य तिलक टर्मिनस-जयनगर एक्सप्रेस, दुर्ग-छपरा एक्सप्रेस, बरौनी-गोंदिया एक्सप्रेस, औड़िहार एक्सप्रेस निर्धारित समय के अनुसार औड़िहार स्टेशन के रास्ता से चली।
वाराणसी जनसंपर्क अधिकारी अशोक कुमार बतवले कि औड़िहार स्टेशन के निर्माण कार्य पूरा हो चुकल बा। सीआरएस के निरीक्षण के बाद पहिले निहर ट्रेन चली।
