एशिया कप हॉकी में भारत के पहिला मुकाबला पाकिस्तान से

• एशिया कप के आयोजन 23 मई से 1 जून के बीचे होई
•  पुल ए में  भारत, जापान, पाकिस्तान आ इन्डोनेशिया
• पुल बी में मलेशिया, कोरिया, ओमान आ बांग्लादेश

गत चैम्पियन भारत के सामना एशिया कप पुरुष हॉकी टूर्नामेंट के पहिला मैच में 23 मई के पाकिस्तान से होई। टूर्नामेंट 23 मई से 1 जून ले खेलल जाई। भारत आ पाकिस्तान टूर्नामेंट के पहिला दिन के अंतिम मैच में एकदूसरा से खेली।

टोक्यो ओलंपिक के कांस्य पदक विजेता भारतीय टीम के पुल ए में जापान, पाकिस्तान आ इन्डोनेशिया के संगे रखल गइल बा। पुल बी में मलेशिया, कोरिया, ओमान आ बांग्लादेश बा। टूर्नामेंट सुपर-4 प्रारूप में खेलल जाई। हर पुल से शीर्ष दु टीम अगिला चरण में पहुंची। फाइनल 1 जून के होई।