Army MIG-21 Crash: मकान पे क्रैश होके गिरल मिग-21, तीन गो महिला के मउत, परिवार के 5-5 लाख मुआवजा के एलान

 

सेना के एमआईजी-21 दुर्घटना : भारतीय वायुसेना के मिग-21 लड़ाकू विमान (एमआईजी-21 दुर्घटना) सोमवार (8 मई) के सबेरे राजस्थान के हनुमानगढ़ के नजदीक दुर्घटनाग्रस्त हो गईल। विमान सूरतगढ़ से उड़ान भरले रहे। विमान एगो घर पे गिर गईल, जवना के चलते तीन लोग के मउत हो गईल। एकरा संगे पायलट पैराशूट के मदद से विमान से कूद के आपन जान बचा लेले।

घटना के बारे में स्थानीय थाना सदर के कहनाम बा कि पायलट के एयरलिफ्ट क दिहल गईल बा। पायलट खातिर वायुसेना के मी 17 भेजल गइल बा। जवना छत पे मिग-21 गिरल रहे ओहिजा तीन गो मेहरारू आ एगो आदमी मौजूद रहुवे। एहमें से दू गो मेहरारूवन के मौका पे मौत हो गइल। एकरा संगे अब एगो अवुरी घाही के मौत हो गईल बा। एसडीएम अवि गर्ग बतवले कि मरेवाला तीनों लोग अलग-अलग परिवार के हवे। तीनों परिवार के 5-5 लाख के मुआवजा दिहल जाई। उ बतवले कि ए दुर्घटना में दु घर के भी नुकसान पहुंचल बा।

एह साल अबले केतना सैन्य विमान दुर्घटनाग्रस्त हो चुकल बा?

एकरा से पहिले जनवरी में भारतीय वायुसेना के दुगो लड़ाकू विमान सुखोई सु-30 अवरू मिराज 2000 राजस्थान के भरतपुर में प्रशिक्षण के दौरान दुर्घटनाग्रस्त हो गईल रहे। एह हादसा में एगो पायलट के जान चल गइल। एगो विमान मध्य प्रदेश के मुरैना में दुर्घटनाग्रस्त हो गइल जबकि दोसरका विमान दुर्घटनाग्रस्त हो के राजस्थान के भरतपुर में उतरल। एही समय पिछला हफ्ता जम्मू कश्मीर के किश्तवाड़ जिला में भारतीय सेना के एगो हेलीकाप्टर दुर्घटनाग्रस्त हो गइल। एगो अउरी दुर्घटना अप्रैल में कोच्चि में भइल रहे जब तटरक्षक बल के हेलीकाप्टर प्रशिक्षण के दौरान दुर्घटनाग्रस्त लैंडिंग कइले रहे।

अक्टूबर में सेना के दू गो हेलीकाप्टर दुर्घटनाग्रस्त हो गइल रहे

पिछला साल अक्टूबर में अरुणाचल प्रदेश में सेना के हेलीकाप्टर दुर्घटना के दू गो घटना सामने आइल रहे। 5 अक्टूबर 2022 के अरुणाचल प्रदेश के तवांग इलाका के लगे एगो चीता हेलीकाप्टर दुर्घटनाग्रस्त हो गईल रहे जवना में भारतीय सेना के एगो पायलट के मउत हो गईल रहे। कुछ दिन बाद 21 अक्टूबर के भारतीय सेना के एगो एविएशन एडवांस लाइट हेलीकॉप्टर के दुर्घटना में पांच रक्षा जवान के मउत हो गईल रहे। तूतिंग से 25 किलोमीटर दूर सियांग गांव के लगे दुर्घटनाग्रस्त हो गईल।

साभार-abp

5391510cookie-checkArmy MIG-21 Crash: मकान पे क्रैश होके गिरल मिग-21, तीन गो महिला के मउत, परिवार के 5-5 लाख मुआवजा के एलानno