जज्बात के शब्दन में देखावल कला ह।
अपना से अपनही के समझावल कला ह।।
रुसे के त बिना बात रिसिया जाला लोग।
खिसियाइल के जल्दी मनावल कला ह।।
दुःख सुख जीवन में कुल मिलत रही।
खाके धोखा जिनगी चलावल कला ह।।
काम परला पर आपन चिन्हा जाई।
फरहर बन के सबके अजमावल कला ह।।
निक भा बाउर अवनीश लिखबे करी।
सोच समझ के ताली बजावल कला ह।।
अवनीश त्रिपाठी ( गोपालगंज)
“खबर भोजपुरी डॉट कॉम” उ ठेहा हs, जवना के सुरुआत बरिस 2016 में भइल। सुरुआत के बेरे से ‘खबर भोजपुरी’ हर खबर रउआ सभन तक राउरे भाषा ‘भोजपुरी’ में पहुँचावे खातिर समर्पित रहल बा।
हमनी के उद्देश्य भोजपुरी भाषा के ओकर मान-सम्मान दिलावे के संगे-संगे भोजपुरिया झेत्र के समस्या के सभका तक पहुँचावे के बा जवना से ओकर समाधान मिल सको।
