साल 2024 के आखिरी कुछ दिन हवाई यातायात खातिर बढ़िया ना रहल. अकेले दिसंबर के अंत में तीन गो बड़हन विमान दुर्घटना भइल बा. ओने पिछला हफ्ता बियफे के दिने लॉस एंजिल्स अंतर्राष्ट्रीय हवाई अड्डा पs एगो बड़हन विमान दुर्घटना के भी टाल दिहल गइल. गोंजागा विश्वविद्यालय के पुरुष बास्केटबॉल टीम के लेके जात एगो विमान एगो हवाई अड्डा पs दोसरा विमान से टकरइले से संकीर्ण रूप से बचल. एह पूरा घटना के वीडियो भी सामने आइल बा।
का भइल?
दरअसल, एम्ब्रेयर ई135 जेट गोंजागा विश्वविद्यालय के पुरुष बास्केटबॉल टीम के लेके उड़ान भरे वाला रहे जब लाइम एयर फ्लाइट 563 दूसरा रनवे से उड़ान भरल शुरू कईलस, जवना से दुनो विमान के बीच टक्कर के खतरा बढ़ गईल। अधिकारी लोग के सूझ-बूझ के चलते इs दुर्घटना टल गईल।
संघीय उड्डयन प्रशासन के ओर से जारी बयान में कहल गईल कि, “हवाई यातायात नियंत्रक लाइम एयर फ्लाइट 563 के लॉस एंजिल्स अंतर्राष्ट्रीय हवाई अड्डा पs रनवे पार करे से पहिले रुके के निर्देश देले, काहेंकी ओ समय रनवे से एगो अवुरी विमान उड़ान भरत रहे।’ जब एम्ब्रेयर ई135 जेट विमान होल्ड बार पार करे लागल तs एयर ट्रैफिक कंट्रोलर पायलट के रुके के कहले, जेट विमान भी रनवे के किनारे लाइन ना पार कईलस।”
इहो पढ़ीं सबेरे-सबेरे: सरीर के फिट राखे खातीर रोज करीं इs 3 गो योगासन