संध्या थिएटर भगदड़ ममिला में अल्लू अर्जुन के पुलिस गिरफ्तार कs लेले बिया। ‘पुष्पा 2’ के प्री-रिलीज के दौरान हैदराबाद के संध्या थिएटर में भगदड़ मच गइल रहे। जवना में एगो महिला के जान चल गइल। एह घटना के लेके चिक्कडपल्ली पीएस में ममिला दर्ज कइल गइल बा। आज पुलिस बन्नी के गिरफ्तार कs के चिक्कडपल्ली पीएस ले गइल।
हैदराबाद के संध्या थिएटर में ‘पुष्पा 2’ के स्क्रीनिंग के दौरान मचल भगदड़ में एगो महिला के मौत हो गइल रहे। एह घटना पs पुलिस के ओर से दर्ज कइल गइल ममिला के खारिज करे के मांग करत अल्लू अर्जुन 11 दिसंबर के हाई कोर्ट के केवाड़ी खटखटवले रहस। उनका उहां पहुंचला के कारण मचल भगदड़ में महिला के मौत हो गइल रहे। एकरा बाद केस भइल तs अल्लू अर्जुन चिक्कडपल्ली पुलिस के ओर से लिखल गइल एफआईआर के खारिज करे खातिर याचिका दायर कइलें।
अल्लू अर्जुन कहलें झूठा बा आरोप
ऊ कहलें कि ई दुखद बा कि एह घटना में महिला के मौत हो गइल। ऊ कहलें कि कवनो फिलिम के रिलीज के मवका पs थिएटर में आइल उनका खातिर स्वाभाविक बा, बाकिर ऊ कहलें कि ऊ पहिलहूं कइयन बेर थिएटर में आ चुकल बा, बाकिर अइसन घटना कबो ना भइल। एक्टर कहलें कि ऊ थिएटर प्रबंधन आ एसीपी के सूचित कइलें कि ऊ थिएटर के लगे आ रहल बाड़ें। उनका मोतबिक, कवनो लापरवाही भइल आ आरोप झूठा बा।
अल्लू अर्जुन केस पs रोक लगावे के मांग कइले रहस
ऊ कहलें कि ई कहल उचित नइखे कि ई घटना खाली उनका अइला के कारण भइल। उनकर माने बा कि उनका खिलाफ ममिला दर्ज कइल न्यायिक प्रक्रिया के दुरुपयोग बा। ऊ कहलें कि एह ममिला से उनकर प्रतिष्ठा आ सम्मान के ठेस पहुंचला के आशंका बा। ऊ अनुरोध कइलें कि उनका खिलाफ दर्ज ममिला के खत्म कइल जावs आ गिरफ्तारी सहित जांच प्रक्रिया पs रोक लगावत अंतरिम आदेस जारी कइल जावs।
इहो पढ़ीं: Kushinagar Mahotsav: राधा-कृष्ण पs भइल फूलन के वर्षा, जयकारा से गूंजल वातावरण
