राष्ट्रीय जनता दल के सुप्रीमो लालू प्रसाद यादव जेल से जमानत मिलले के बाद राजनीति में सक्रिय हो रहल बानें। चारा घोटाला के मामिला में जेल में बंद लालू जमानत मिलले के बाद बुध के पहिला बेर पटना के वीरचंद पटेल स्थित पार्टी दफ्तर पहुंचलें। पिता के अइले के सूचना पर उप मुख्यमंत्री तेजस्वी यादव, नेता अउरी कार्यकर्ता लोग उनके पार्टी के गेट पर रिसीव कइल।
लमहर अरसा बाद पार्टी ऑफिस पहुंचला पs नेता अउर कार्यकर्ता लोग उनकर जोरदार स्वागत कइल। एह मौका पर आरजेडी के प्रदेश अध्यक्ष जगदानंद सिंह भी पार्टी ऑफिस में मौजूद रहलें। एह दौरान उ नेता अउरी कार्यकर्ता लोग से पार्टी मजबूत कइले के बात कहलें। उनके पार्टी दफ्तर पहुंचने के खबर मिलतही पर कार्यकर्ता लोग के भीड़ जुट गइल।
दिल्ली में चुनल जाए के बा आरजेडी के राष्ट्रीय अध्यक्ष
बता देईं कि, 10 अक्टूबर के दिल्ली में आरजेडी के राष्ट्रीय अध्यक्ष के चुनल जाए के बा। कयास लगावल जा रहल बा कि लालू यादव के ही पार्टी के राष्ट्रीय अध्यक्ष चुनल जाई।
