आदित्य सिंह राजपूत के निधन : मनोरंजन जगत से चौंकावे वाली खबर। मशहूर अभिनेता, मॉडल आ कास्टिंग डायरेक्टर आदित्य सिंह राजपूत के निधन हो गइल बा। मुंबई के अंधेरी में आदित्य अपना घर के बाथरूम में मृत मिलल। हालांकि अभिनेता के मउत के कारण का बा इ एगो रहस्य बनल बा, आदित्य के दोस्त अवुरी बिल्डिंग के चौकीदार जल्दी-जल्दी अस्पताल पहुंचवले, लेकिन तब तक बहुत देर हो गईल रहे अवुरी डॉक्टर अभिनेता के मरल घोषित क देले। अगर मीडिया रिपोर्ट पे विश्वास करे के बा त आदित्य सिंह राजपूत के मउत ड्रग ओवरडोज के चलते हो सकता। फिलहाल पुलिस ए मामला के जांच में लागल बिया।
त का ड्रग्स के ओवरडोज एकर कारण बन गईल?
आदित्य सिंह राजपूत के निधन के बाद सिनेमा जगत में सन्नाटा बा। केहू के विश्वास नइखे होत कि कइसे ई नवही अभिनेता आ कास्टिंग डायरेक्टर हँसत-हँसत अचानक मर गइल। दूसर ओर जदी कुछ सूत्र पे विश्वास कईल जाए त आदित्य सिंह राजपूत के मउत के कारण ड्रग्स के ओवरडोज हो सकता।
कई गो फिलिमन आ टीवी शो में नजर आ चुकल बाने
आदित्य सिंह राजपूत कई गो फिलिमन आ टीवी शो में नजर आइल बाड़न। फिल्मन के बात कइल जाव त फिल्म ‘’मैंने गांधी को नहीं मारा’ आ ‘क्रांतिवीर’ के शामिल कइल गइल बा। एकरा संगे उ रियलिटी शो ‘स्प्लिट्सविला’ में भी नजर आईल बाड़े। एकरा अलावे करीब 300 विज्ञापन भी हो चुकल बा।
