एसी बस धमाका: एतना जबर्दस्त रहल धमाका…50 फुट हवा में उछल गइलें  मैकेनिक, शरीर के उड़ल चीथड़ा, कांप उठल लोग

बरेली में रामपुर रोड स्थित स्वालेनगर चार्जिंग स्टेशन पs ई-बस में गैस भरत वक्त एसी के कंप्रेशर फटले से मैकेनिक के मौत हो गइल, जबकि दू कर्मचारी गंभीर घायल हो गइलें। डीएम घटना के जांच के आदेश दिहलें। बियफ़े पूर्वाह्न 11:30 बजे भइल हादसा में संजयनगर के अशोक विहार निवासी मैकेनिक विजय कुमार (32) के मौका पर ही मौत हो गइल। जबकि फतेहगंज पूर्वी निवासी टेक्नीशियन नरेंद्र अउरी बिहार के रहे वाले सर्विस इंजीनियर बबलू गंभीर घायल हो गइलें। दूनों के शहर के निजी अस्पताल में भर्ती करावल गइल बा। डीएम शिवाकांत द्विवेदी, एसएसपी अखिलेश चौरसिया समेत कई अफसर मौके पर पहुंचल। घटना के का वजह रहल, डीएम एकर जांच शुरू करा देहलें बानें। एकरे खातिर सिटी मजिस्ट्रेट के नेतृत्व में चार सदस्यीय टीम गठित कइल गइल बा। टीम में अपर निदेशक (कारखाना), मुख्य अग्निशमन अधिकारी अउर नगर आयुक्त शामिल कइल गइल बा। डीएम कहलें कि जांच में जेकर लापरवाही सोझे आई, ओ पर सख्त कार्रवाई होई।