गोपालगंज के कुचायकोट थाना क्षेत्र में भठवा मोड़ के लगे एगो डीसीएम ट्रक के ओर से बाइक सवार दंपति के जोरदार टक्कर मारे से पत्नी के मवके पs मौत हो गइल, जबकि पति मामूली रूप से घायल हो गइलें। मृतका के पहचान मुजफ्फरपुर जिला के चकना सरैया गांव निवासी विभा कुमारी (32) के रूप में भइल, जवन अपना पति राजकुमार राम के संगे सिपाया इस्थित सैनिक स्कूल में रहत रहली।
घटना ओह समय भइल जब दुनो बाजार से वापस लवटत रहे लो। ट्रक चालक हादसा के बाद मवका से फरार हो गइल। स्थानीय लोगन के सूचना पs पुलिस मवका पs पहुंचके शव के पोस्टमार्टम खातिर भेज देलस आ जांच सुरू कs देलस। मृतका के पति सैनिक स्कूल में टीचिंग स्टाफ आ एह दुर्घटना के बाद से उनकर रो-रो के बुरा हाल बा। पुलिस ट्रक चालक के तलाश में कार्रवाई तेज कs देले बिया।
