गोरखपुर जिला प्रशासन भारी बरखा के देखत एगो सलाह जारी कइले बा। अपील करत उ कहलस कि पिछला 36 घंटा से लगातार बरखा हो रहल बा। शनिचर के दिने भारी बरखा आ गरज के संभावना बा। अइसना में जदि कवनो महत्वपूर्ण काम नइखे तऽ लोग के घर से बाहर ना आवे के चाहीं। एकरा संगे-संगे बरखा से होखेवाला पानी के जल निकासी के व्यवस्था करे में भी सहयोग करीं।
अपर जिला मजिस्ट्रेट विनीत कुमार सिंह शहर के लोग से इ अपील कईले बाड़े।
बेहद गर्मी के बाद अचानक मौसम में बदलाव भइल। एकरा चलते तीन दिन में अधिकतम तापमान 12 डिग्री सेल्सियस से जादे गिर गइल बा। मौसम में भउऽल ए बदलाव से लोग के स्वास्थ्य प असर पड़ता।
लोग संक्रमण के शिकार हो रहल बाड़े। एकरा चलते बोखार, सर्दी अवुरी खांसी से पीड़ित मरीज के संख्या बढ़ल बा। दिन भर भउऽल भारी बरखा के चलते शुक के मौसम सुखद रहल। मौसम विभाग बतवलस कि साँझ ले 100.2 मिमी बरखा भइल।
सितंबर में अधिकतम आ न्यूनतम तापमान सामान्य से ऊपर रहला का चलते एक पखवाड़ा ले नम गर्मी से लोग परेशान रहले।
23 सितंबर के अधिकतम तापमान 37.4 डिग्री सेल्सियस दर्ज भइल रहे। जवन कि पिछला 30 साल में सितंबर में सबसे अधिका रहल जवना में सामान्य से 5.6 डिग्री सेल्सियस से अधिका तापमान रहल। 24 सितंबर के दूसरा दिन अधिकतम तापमान 37.1 डिग्री सेल्सियस दर्ज भइल।
इहो सामान्य से 5 डिग्री सेल्सियस अधिका रहे। हालांकि ओही दिन दुपहरिया में मौसम बदल गइल। इलाका के ढंकल बादल आ पूरब के तेज हवा बहला का चलते मौसम सुखद हो गइल। एकरा चलते 25 सितंबर के अधिकतम तापमान 32.2 डिग्री सेल्सियस तक पहुंच गइल। बियफे के दिन के तापमान सामान्य से नीचे पहुंच गइल आ 29.9 डिग्री सेल्सियस दर्ज भइल।
Comments are closed.