अगर आप अपना त्वचा के देखभाल खातीर भी चावल के पानी के इस्तेमाल करतानी, तs आपके एकर दुष्प्रभाव के बारे में भी जानल जरूरी बा, काहेंकी जानकारी के कमी के चलते आप अपना स्वस्थ त्वचा के नुकसान पहुंचा सकतानी। एह लेख में हमनी के चावल के पानी से त्वचा के होखेवाला नुकसान के बारे में बतावे जा रहल बानी जा, जवना से आपके त्वचा के देखभाल के दिनचर्या में सुधार हो सकता।
मुहे पs चावल के पानी लगावे के नुकसान
•एलर्जी : चेहरा पs चावल के पानी के इस्तेमाल के दुष्प्रभाव में से एगो एलर्जी होखेला। कुछ लोग के चावल के पानी के एंजाइम, प्रोटीन अवुरी बाकी घटक से एलर्जी हो सकता। एकरा से चेहरा पs जलन, खुजली, सूजन, लाली चाहे अयीसन अवुरी नुकसान हो सकता।
सलाह : हमेशा एगो छोट पैच टेस्ट करीं ताकि पता चल सके कि चावल के पानी से एलर्जी बा कि ना।
•सनबर्न : चावल के पानी में फेरुलिक एसिड होखेला, जवन कि धूप के प्रति संवेदनशीलता बढ़ावे खातीर जानल जाला। धूप में रहला, धूप से जरे आदि के चलते त्वचा के नुकसान पहुंचा सकता।
सलाह: चावल के पानी के इस्तेमाल के बाद हमेशा सनस्क्रीन लगाई, काहेंकी एकरा से त्वचा पs यूवी किरण के असर कम हो जाला।
•रूखापन : मुहे पs चावल के पानी के जादा इस्तेमाल से त्वचा में रूखापन हो सकता। अगर आपके त्वचा पहिले से रूखल बा तs एकरा से रूखापन अवुरी बढ़ सकता।
•pH संतुलन : एकरा से त्वचा सूखल अवुरी परतदार हो सकता। मुहे पs चावल के पानी के जादा इस्तेमाल से त्वचा के प्राकृतिक पीएच बैलेंस खराब हो सकता।
सलाह : जदी आपके त्वचा रूखल बा तs चावल के पानी के सीमित मात्रा में इस्तेमाल करीं अवुरी ओकरा बाद एगो निमन मॉइस्चराइजर लगाई
Comments are closed.