देर रात कईयो राज्यन के बदल दिहल गइल राज्यपाल, जानीं केकर कहां पs भइल नियुक्ति; देखीं पूरा लिस्ट
राष्ट्रीय राजधानी में शनिचर के देर रात कई राज्यन के राज्यपालन के नियुक्ति के एलान कइल गइल. एह संबंध में राष्ट्रपति भवन के ओर से एगो विज्ञप्ति भी जारी कईल गईल बा, जवना में सभ राज्यपाल के नाया नियुक्ति के बारे में जानकारी दिहल गईल बा। जारी विज्ञप्ति के मुताबिक लक्ष्मण प्रसाद आचार्य के असम के राज्यपाल बनावल गईल बा अवुरी उनुका के मणिपुर के अतिरिक्त प्रभार भी दिहल गईल बा। गुलाब चंद कटारिया के पंजाब के राज्यपाल बनावल गइल बा. जारी विज्ञप्ति के मुताबिक गुलाब चंद कटारिया के जगह लक्ष्मण प्रसाद आचार्य के नाम लेहले बाड़े। एकरा अलावे गुलाब चंद कटारिया के केंद्र शासित प्रदेश चंडीगढ़ के प्रशासक के रूप में भी नियुक्त कईल गईल बा।
बनवारीलाल पुरोहित के इस्तीफा
प्रेस विज्ञप्ति में कहल गइल बा कि राष्ट्रपति द्रौपदी मुर्मू पंजाब के राज्यपाल आ चंडीगढ़ के प्रशासक पद से बनवारीलाल पुरोहित के इस्तीफा स्वीकार कs लिहले बाड़ी. विज्ञप्ति के मुताबिक, “सिक्किम के राज्यपाल लक्ष्मण प्रसाद आचार्य के असम के राज्यपाल नियुक्त कईल गईल बा अवुरी उनुका के मणिपुर के राज्यपाल के अतिरिक्त प्रभार भी दिहल गईल बा।” सी पी राधाकृष्णन के जगह झारखंड के नया राज्यपाल संतोष कुमार गंगवार बनले।
बयान में कहल गइल बा कि हरिभाऊ किसनराव बागड़े के राजस्थान के राज्यपाल बनावल गइल बा. एकरा अलावे जिष्णु देव वर्मा तेलंगाना के राज्यपाल रहीहें जबकि ओम प्रकाश माथुर सिक्किम के नयका राज्यपाल होखीहें. विज्ञप्ति में कहल गइल बा कि छत्तीसगढ़ के राज्यपाल रमेन डेका आ मेघालय के राज्यपाल सीएच विजयशंकर के नियुक्ति कइल गइल बा. बयान में कहल गईल कि उनुका प्रभार ग्रहण के तारीख से इs नियुक्ति प्रभावी होई। बयान में कहल गइल बा कि ई नियुक्ति ओह तारीख से प्रभावी होखी जब ऊ लोग अपना अपना कार्यालय के प्रभार संभाल ली.
Comments are closed.