गुजरात के सूरत में लगातार बरखा के बीच 6 मंजिला मकान गिरला से एगो बड़हन हादसा हो गइल बा. जानकारी के मुताबिक सूरत के सचिन पाली इलाका में 6 मंजिला इमारत गिर गईल। ई एगो जर्जर इमारत रहे। जानकारी के मुताबिक भवन गिरला से 12 लोग घायल हो चुकल बाड़े। घाही लोग के अस्पताल में भर्ती करावल गइल बा। कहल जात बा कि ई भवन स्लम बोर्ड के हs. मौका पs राहत अवुरी बचाव के काम चलता।
तीन लोग के मलबा के नीचे दफन होखे के आशंका
ताजा जानकारी के मुताबिक मलबा के नीचे तीन लोग अवुरी दफन होखे के आशंका बा। मलबा के नीचे दफन लोग के बचावे खातिर अभियान चलावल जा रहल बा। अभी ले कवनो मौत के खबर नईखे आईल। जर्जर भवन के खाली करावे खातिर प्रशासन के ओर से तीन महीना पहिले नोटिस जारी कईल गईल रहे।
बिल्डिंग में लोग रहत रहले
एहसे पहिले अधिकारी बतवले रहले कि इमारत गिरला के मलबा के नीचे बहुत लोग फंसला के आशंका बा। अचानक गिर गईल इमारत में कुछ लोग किरायेदार के रूप में रहत रहले। मलबा के नीचे दफन लोग के बचा के अस्पताल में भर्ती करावल गईल बा।
बतावल जाता कि इ भवन 2017-18 में बनल रहे अवुरी 6 साल के भीतर इs जर्जर हो गईल रहे। सूरत नगर निगम भी भवन के मालिक के खाली करे के आदेश देले रहे। भवन में रहे वाला अधिकांश परिवार भी भवन खाली कs देले रहले। जानकारी मिलल बा कि उहाँ मात्र 5 से 6 परिवार रहत रहे। इहो जानकारी मिलल बा कि भवन के मालिक विदेश में रहेला। प्रशासन जेसीबी मशीन आ कटर मशीन से मलबा हटावत बा। जवना में भी बहुत समय लाग सकता। एकरा बाद ही हमनी के पता चल जाई कि भीतर केतना लोग दफन बाड़े।
Comments are closed.