बिजली के शार्ट सर्किट से चंवर में लागल आग, फायर ब्रिगेड पवलस काबू

मशरक (सारण)/ प्रितम कुमार सिंह : मशरक नगर पंचायत क्षेत्र के गोपालवाड़ी गांव के चवर में सुक के बिजली के शार्ट सर्किट से आग लाग गइल। जवना से चवर में भयानक विकराल आग फइल गइल।

मवका पs फायर ब्रिगेड के सूचना दिहल गइल। मवका पs पहुंचल फायर ब्रिगेड के टीम गांव के युवकन के संगे कड़ा मशक्कत से काबू पाया। ग्रामीण लोग बतावल कि चवर में सड़क किनारे लागल बिजली के ट्रांसफार्मर से शार्ट सर्किट से निकलल चिंगारी से आग लाग गइल आ देखते-देखत चवर में भयानक आग फइल गइल।

विकराल आग दूधनाथ सिंह के दालान के तरफ बढ़े लागल, जवना के देख फायर ब्रिगेड के टीम गांव के युवकन के संगे कड़ा मशक्कत से आग पs काबू पइल।