सिविल लाइंस में क्लाइव रोड के नामकरण अमर उजाला के नींव रखे वाला अतुल माहेश्वरी के नाम पर कs दिहल गइल बा। बियफे के महापौर अभिलाषा गुप्ता नंदी एह रास्ता के नयका नामकरण वाला स्टील फ्रेमिंग रेडियम बोर्ड के अनावरण करिहें। देर रात बोर्ड लगवले के सथही एकरे खातिर तैयारी पूरा कs लीहल गइल।
नगर निगम के नामकरण समिति के ओर से क्लाइव रोड के नाम बदल के अतुल माहेश्वरी मार्ग करे के प्रस्ताव सदन पटल पर रखल गइल रहे जेके सदन में चर्चा के बाद ध्वनिमत से पारित कs दिहल गइल। नगर निगम के अभियंता के टीम सिविल लाइंस में एक्सिस बैंक तिराहा से कानपुर रोड से लिंक एह मार्ग के नयका नामकरण के स्टील फ्रेमिंग बोर्ड बुध के साँझ के ही नगर निगम लगवा दिहले रहल।
बियफे के एगो सादा समारोह में एह मार्ग के लोकार्पण कइल जाई। महापौर अभिलाषा गुप्ता नंदी दूपहर एक बजे अतुल माहेश्वरी मार्ग के लोकार्पण करिहें। शहर के व्यापारी, शिक्षाविद्, डॉक्टर के अलावा, रंगकर्मी अउर सामाजिक कार्यकर्ता लोग एह लोकार्पण समारोह में मौजूद रहिहें। हालही में ‘प्रयागराज विकास प्राधिकरण’ के ओर से एह रास्ता के चौड़ीकरण अउर सौंदर्यीकरण करावल गइल बा।
Comments are closed.