वाराणसी के ज्ञानवापी परिसर के दू मामला में आजु कोर्ट में सुनवाई होखे के बा। एहमें पहिले केस में परिसर में मिलल कथित शिवलिंग के पूजा-पाठ करे के ले के स्वामी अविमुक्तेश्वरानंद के ओर से दाखिल प्रार्थना पत्र पर सुनवाई होखे के बा। दूसरी सुनवाई ज्ञानवापी परिसर में पुरातात्विक सर्वेक्षण मामला में दाखिल निगरानी याचिका पर होखे के बा। दूनों मामला में दोपहर ले कोर्ट के का आदेश आsता, एह पर सबके नजर टिकल बा।
बता देईं कि शंकराचार्य स्वामी स्वरूपानंद सरस्वती के शिष्य रहल अउर अब शंकराचार्य के पद सम्हारत स्वामी अविमुक्तेश्वरानंद अउर रामसजीवन वरिष्ठ अधिवक्ता अरुण कुमार त्रिपाठी, रमेश उपाध्याय, चंद्रशेखर सेठ के माध्यम से अदालत में वाद दाखिल कइले बानें।
Comments are closed.