योगी देहलें दिवाली गिफ्ट : पुलिसकर्मियन के साइकिल के जगह 500 रुपया बाइक भत्ता, पुलिस स्मृति दिवस पर कइलें घोषणा

मुख्यमंत्री योगी आदित्य नाथ पुलिस स्मृति दिवस पर पिछले एक साल में शहीद भइल सात पुलिसकर्मियन के परिजन लोग के सम्मानित करत कहलें कि पुलिस अउर सरकार उनके साथ बा। यूपी पुलिस के सक्रियता के चलते गुंडा अउर माफिया राज के अंत हो गइल। पुलिस कर्मियन के मिले वाला साइकिल भत्ता अब बाइक भत्ता के तौर पर दिहल जाई। जेमें दो सौ रुपये के जगह पांच सौ रुपया के राशि तय कइल गइल बा। साथ ही पेंशन खातिर लोग के दौड़भाग नाइ करे के पड़ी। जेसे ई-पोर्टल पर लिंक कइल जा रहल बा। साथ ही मेडीक्लेम के पांच लाख तक के बिल के डीजीपी के पास करे के अधिकार दिहले बा।