ब्रिटेन के महारानी एलिजाबेथ द्वितीय के निधन

ब्रिटेन के महारानी एलिजाबेथ द्वितीय के देहांत हो गइल बा। ऊ पिछले कुछ समय से बीमार रहली। 96 बरिस के क्वीन एलिजाबेथ-II फिलहाल स्टॉकलैंड के बाल्मोरल महल में रहली। उहवें उनक निधन भइल। महारानी के बाद अब उनके बेटा चार्ल्स ब्रिटेन के राजा होइहें। शाही परिवार एगो बयान में कहलस, ‘द किंग एंड द क्वीन कंसोर्ट बाल्मोरल में रहिहें। बिहान लंदन लौटिहें।

Statement from the King at the time of the death of Queen Elizabeth II.

"The death of my beloved mother, The Queen is a moment of the greatest sadness for me and all members of my family," reads the statement pic.twitter.com/901kXJ8IRk

— ANI (@ANI) September 8, 2022

एसे पहिले पैलेस कहलस कि डॉक्टरन के उनके स्वास्थ्य पर चिंता व्यक्त कइलें के बाद महारानी एलिजाबेथ बाल्मोरल में डॉक्टर्स के देखरेख में रहली। पैलेस के आधिकारिक बयान में कहल गइल, ‘आजु सुबह आगे के जांच के बाद डॉक्टर महारानी के स्वास्थ्य खातिर चिंतित बानें। उनके चिकित्सकीय देखरेख में रखले के सलाह दीहल गइल बा।

लमहर समय ले शासन प्रमुख रहली

महारानी के जन्म 21 अप्रैल 1926 के लंदन के मेफेयर में 17 ब्रूटन स्ट्रीट में भइल रहल। ऊ द ड्यूक एंड डचेस ऑफ यॉर्क की पहिला संतान रहली, जे बाद में किंग जॉर्ज VI अउर क्वीन एलिजाबेथ बनली। 6 फरवरी, 1952 के ब्रिटिश साम्राज्य के शासक बनली महारानी एलिजाबेथ कुल 70 साल अउर 211 दिन ले सिहासन पर रहली। ऊ दुनिया के सबसे लमहर समय ले शासन प्रमुख रहली।