अगर आप प्रीमियम स्मार्टफोन खरीदे के बा लेकिन एक-डेढ़ लाख रुपया खर्च ना कईल चाहतानी त आप गूगल के नाया फोन खरीद सकतानी। गूगल हाल ही में एs सीरीज में एगो नाया स्मार्टफोन लॉन्च कईले बा, जवना के नाव गूगल पिक्सेल 9a बा। एकर लॉन्चिंग डेट भी गूगल के ओर से बतावल गईल बा। अगर रउआ प्रीमियम सेगमेंट में एगो पावरफुल फोन के तलाश में बानी तs रउआ एकरा खातिर जा सकेनी।
फोटोग्राफी प्रेमी लोग खातिर गूगल पिक्सेल 9a एगो सही फोन हो सकता। एकरा संगे इs रोजमर्रा के काम के संगे गेमिंग जईसन भारी काम भी आसानी से संभाल सकता। अगर रउरा एकरा के खरीदे के योजना बनावत बानी तs भारत में एकर बिक्री जल्दिए शुरू होखे वाला बा. बॉक्स से बाहर इs स्मार्टफोन एंड्रॉयड 15 पs चली।
बिक्री आज से शुरू होई बता दीं कि भारत में गूगल पिक्सेल 9a के बिक्री 16 अप्रैल से शुरू हो जाई, कंपनी अबे ले कवनो जानकारी नईखे देले कि एकर डिलीवरी कब शुरू होई। इs स्मार्टफोन रउआ ई-कॉमर्स प्लेटफॉर्म फ्लिपकार्ट अवरू अवरू रिटेल पार्टनर से खरीद सकेनी। लॉन्चिंग ऑफर में पहिला बिक्री के दौरान कुछ बड़ छूट भी देखे के मिल सकता। गूगल गूगल पिक्सेल 9a के तीन रंग के वेरिएंट में लॉन्च कईले बा, जवना में Obsidian, Porcelain अवुरी Iris कलर्स शामिल बा।
गूगल पिक्सेल 9a के फीचर
गूगल पिक्सेल 9a में डबल सिम अवरू एंड्रॉयड 15 दिहल गईल बा, जवना में कंपनी 6.3 इंच के pOLED Actua डिस्प्ले देले बिया जवना के रिफ्रेश रेट 120Hz बा।
डिस्प्ले के पीक ब्राइटनेस 2700 निट तक बा। डिस्प्ले में गोरिल्ला ग्लास 3 के सुरक्षा दिहल गईल बा।
स्मार्टफोन में 8GB तक के रैम अवरू 256GB तक के स्टोरेज बा।
परफॉर्मेंस खातिर इs स्मार्टफोन टेंसर जी4 प्रोसेसर के सपोर्ट करेला।
फोटोग्राफी खातिर एs स्मार्टफोन में डबल कैमरा सेटअप बा, जवना में 48+13 सेंसर उपलब्ध बा।
गूगल पिक्सेल 9a में कंपनी 5100mAh के बड़ बैटरी देले बिया जवन कि 23W के चार्जर के संगे आवेला।
इहो पढ़ीं: चेहरा के लटकत त्वचा के कस देई इs मास्क, कुछे दिन में जवान दिखे लागी त्वचा, जानीं कइसे इस्तेमाल करीं
