प्रधानमंत्री नरेंद्र मोदी आजु (पीएम मोदी मुखबा-हरसिल दौरा) एक दिन के दौरा पs उत्तराखंड चहुँपल बाड़न. उs मुखबा में माई गंगा के पूजा करीहे। उs हर्षिल में जनसभा के भी संबोधित करीहे। हर्षिल-मुखबा इलाका पूरा तरह से सजावल बा आ उनुकर स्वागत करे खातिर तइयार बा. मुख्यमंत्री पुष्कर सिंह धामी के निहोरा पs प्रधानमंत्री मोदी शीतकालीन पर्यटन के बढ़ावा देवे खातीर बियफ़ें के हर्षिल-मुखबा इलाका के दौरा कईले बाड़े। पीएम मोदी के एह यात्रा के देखत उत्तरकाशी जिला के एह सीमावर्ती इलाका में गजब के उत्साह आ उल्लास देखल जा रहल बा। हर्षिल के भारी संख्या में लोग निचला घाटी में जाड़ा के पलायन के जगह से अपना पैतृक घर वापस आके प्रधानमंत्री के स्वागत कईले बाड़े। हाल ही में बर्फबारी से सराबोर हर्षिल घाटी में पीएम मोदी के यात्रा के चलते गर्मजोशी के माहौल बा।
मुखबा में गंगा माता के पूजा करत बाड़े पीएम मोदी
पीएम मोदी मुखबा में गंगा माता के पूजा करत बाड़े. एकरा बाद उs हर्षिल में एगो जनसभा के संबोधित करीहे.
मुखबा पहुंचले पीएम मोदी, भइल भव्य स्वागत
पीएम नरेंद्र मोदी माई गंगा के मायका मुखबा पहुंच गईले। पारंपरिक वेशभूषा में सजल महिला लोग इहाँ उनुकर भव्य स्वागत कईली। पीएम मोदी के एक झलक पावे खातिर लोग बेताब बाड़े.
इहो पढ़ीं: भक्तिमय सोमार: ‘श्रद्धा के सागर’ धरती चीर के बाहर निकलल रहे गोरखपुर के मां काली के प्रतिमा
