MMMUT: प्रवेश के नाम पs फर्जीवाड़ा: बीटेक में फरजी दाखिला… वरिष्ठ लिपिक पs केसमदन मोहन मालवीय प्रौद्योगिकी विश्वविद्यालय में बीटेक कंप्यूटर साइंस में प्रवेश के नाम पs वरिष्ठ लिपिक रवि मोहन श्रीवास्तव पs जालसाजी के आरोप बा। रजिस्ट्रार दफ्तर में तैनात लिपिक कर्मचारी कोटा से दाखिला दिलावे के झांसा देके अपना खाता में 2.70 लाख रुपिया मंगा लेलस। गौर करे वाला बात बा कि 23 फरवरी, 2023 के एह दाखिला के फरजी करार दिहल गइल। अब छात्र के भविष्य अंधकार में चल गइल बा। एसएसपी के निरदेस पs कैंट पुलिस आरोपी लिपिक पs केस दर्ज कs के मामिला के जांच कs रहल बिया।
कोतवाली इलाका के दीवान बाजार के श्रीप्रकाश गुप्ता तहरीर देके पुलिस के बतवलें कि बेटा राहुल गुप्ता के बीटेक कंप्यूटर साइंस में दाखिला खातिर वरिष्ठ लिपिक रवि मोहन श्रीवास्तव से संपर्क कइले रहस। लिपिक बतवलें विश्वविद्यालय में कर्मचारी कोटा बा, जवना के अंतर्गत राहुल के दाखिला कइल जा सकत बा। ऊ 2.70 लाख के राशि व्यक्तिगत खाता मंगले। तीन सितंबर 2021 के रवि मोहन के खाता में 1.70 लाख रुपिया जमा कइलें आ बाकी राशि 1 लाख 19 दिसंबर 2021 के कइलस।
एकरा बाद रवि मोहन एगो फर्जी प्रोविजनल आवंटन पत्र आ रजिस्ट्रेशन लेटर देलस, जवना पs केहू के हस्ताक्षर ना रहे। बार-बार पूछला पs ऊ कहलें कि बाद में ऊ करा दिहें। बेटा के कॉलेज भेजल सुरु करे के कहलें। हालांकि, एक साल बाद अचानक बेटा के एडमिशन फर्जी करार दिहल गइल। विश्वविद्यालय के ओर से ई जानकारी दिहल गइल कि राहुल गुप्ता के फीस जमा ना रहे। एकरा बाद पुत्र के दाखिला 23 फरवरी 2023 के रद्द कs दिहल गइल। एकरा बाद रवि मोहन श्रीवास्तव से जानकारी लेलें तs पता चलल ना तs ऊ फीस जमा कइलें आ जवन दस्तावेज ऊ देलें ऊ सब फरजी बा।
पिता बोललें- अवसाद में रह रहल बा बेटा
पिता पुलिस के बतवलें कि एह घटना से बेटा के भविष्य बरबाद हो गइल। ऊअवसाद में बा। बहुते परेसान रहे लागल बा। ओकर समूचा भविष्य अंधकार में चल गइल बा, ऊ पुलिस से कड़ा कार्रवाई के मांग कइले बाड़ें।
पुलिस तहरीर के आधार पs केस दर्ज कs लेले बा। ममिला के जांच कइल जा रहल बा। जांच आ साक्ष्यन के आधार पs कार्रवाई कइल जाई।
अभिनव त्यागी, एसपी सिटी
साभार: अमर उजाला