कर्नाटक के मंगलौरू में स्थित जिला जेल में बुध के 45 कैदी फूड पॉइजनिंग के शिकार हो गईले, जवना के बाद अस्पताल में भर्ती करावे के पड़ल। खबर के मुताबिक कैदी के दुपहरिया के खाना खईला के बाद पेट में परेशानी होखे लागल। स्वास्थ्य समस्या के शिकायत के बाद बुध के दिने सभे 45 कैदी के सरकारी वेनलॉक अस्पताल में भर्ती करावल गईल। अस्पताल में भर्ती एहमें से एगो कैदी के हालत गंभीर बतावल जात बा आ ओकर इलाज आईसीयू में हो रहल बा. जेल के अधिकारी के मुताबिक कैदी के दुपहरिया के खाना में चावल-सांबर अवुरी नाश्ता में ‘अवलक्की’ यानी पोहा दिहल गईल।
‘कैदियन के पेट दर्द, उल्टी आ दस्त के शिकायत’
खबर के मुताबिक, दुपहरिया के खाना खईला के बाद करीब 3 बजे कैदी के स्वास्थ्य बिगड़ल शुरू हो गईल। एs मामला के जानकारी देत मंगलूरु सिटी पुलिस आयुक्त अनुपम अग्रवाल बतवले कि दुपहरिया के खाना खइला के बाद जेल के अधिकारी देखले कि कुछ कैदी के स्वास्थ्य अचानक बिगड़ गईल। उs बतवले कि दुपहरिया के खाना खईला के बाद कैदी के पेट दर्द, उल्टी अवुरी दस्त के शिकायत भईल। कैदी के हालत देख जेल प्रशासन तुरंत सभ बेमार कैदी के पुलिस संरक्षण में जिला सरकारी अस्पताल ले गईल।
इहो पढ़ीं: चेहरा के लटकत त्वचा के कस देई इs मास्क, कुछे दिन में जवान दिखे लागी त्वचा, जानीं कइसे इस्तेमाल करीं
