रॉयल चैलेंजर्स बेंगलुरु (आरसीबी) महिला प्रीमियर लीग 2025 में लगातार दुसरका जीत दर्ज कs के अंक तालिका के शीर्ष पs आपन पकड़ मजबूत कइले बिया. कप्तान स्मृति मंधाना आ डेनी व्याट हॉज के शतक साझेदारी के बदौलत आरसीबी दिल्ली कैपिटल्स के आठ विकेट से हरा दिहलस. आरसीबी खातिर तेज गेंदबाज रेणुका सिंह आ लेग स्पिनर जॉर्जिया वेयरहैम तीन-तीन विकेट लिहली जबकि बल्लेबाजी कप्तान स्मृति मंधाना 81 रन के शानदार पारी खेलली. जबकि डेनी व्याट हॉज 42 रन बनवली.
दिल्ली के 142 रन के लक्ष्य के पीछा करत आरसीबी 16.2 ओवर में दू गो विकेट पs146 रन बना के आसान जीत दर्ज कइलस जवना के श्रेय कप्तान मंधाना के 10 चौका आ तीन छक्का के साथे 47 गेंद में 81 रन के पारी आ डेनी व्याट हॉज के साथे पहिला विकेट खातिर 107 रन के साझेदारी (42 रन, 33 गेंद सात गेंद) के बदौलत भइल। एकरा से पहिले रेणुका (23 रन पs तीन विकेट), जॉर्जिया (25 रन पs तीन विकेट), किम गार्थ (19 रन पs दू विकेट) आ एकता बिष्ट (35 रन पs दू विकेट) के बेहतरीन गेंदबाजी के सोझा दिल्ली टीम 19.3 ओवर में 141 रन बना के ढेर कइलस. दिल्ली कैपिटल्स खातिर जेमिमा रोड्रिग्स 34 रन के सबले बेसी स्कोर बनवली जबकि उनुका छोड़ के खाली सारा ब्राइस (23) 20 रन के आंकड़ा के छू पवली. आंकड़ा के पीछा करत घरी स्मृति आ डेनी के जोड़ी आरसीबी के शानदार शुरुआत कइल.
मारिजेन कैप के पहिलके ओवर में स्मृति दू गो चौका मरली आ ओकरा बाद मीनू मनि पs भी दू गो चौका मरली। शिखा पांडे के दू ओवर में डेनी भी चार चौका मरली। स्मृति अरुंधति रंड्डी पs पारी के पहिला छक्का जड़ली जवना के चलते टीम पावर प्ले में कवनो विकेट ना गँववले 57 रन जोड़ दिहलस. स्मृति आ डेनी मैदान के चारो ओर शॉट खेलली आ कई गो आकर्षक बाउंड्री मरली. स्मृति जेस जोनासेन के लगातार दू गो चौका आ एक रन बना के महज 27 गो गेंद में आपन सबले तेज डब्लूपीएल अर्धशतक पूरा कइली.
हालांकि डेनी के भाग्यशाली रहल कि ऊ 34 रन बनवली जब जेमिमा जोनासेन के गेंदबाजी से एगो साधारण कैच ले लिहली. स्मृति मारिजेन पs छक्का मार दिहली जवना के चलते टीम दसवां ओवर में रन के शतक पूरा कs लिहली. अरुंधती अगिला ओवर में डेनी के जेमिमा से पकड़ के आरसीबी के पहिला झटका दे दिहली. स्मृति भी जोनासेन पs छक्का मरली बाकिर शिखा के गेंद पs ऊ पवेलियन में लवट आइल. एह घरी आरसीबी के जीते खातिर नौ रन के जरूरत रहे आ ऋचा घोष (11 ना आउट) अरुंधती पs छह रन बना के टीम के लक्ष्य पs ले गइली.
