तिवारीपुर इलाका में होली पs रंग फेंके के लेके पटीदार लोग के बीच विवाद भईल। एगो पार्टी पुलिस के प्रार्थना पत्र दे दिहलस। पुलिस अतवार के थाना में दुनो पक्ष के पूछताछ खातीर बोलवले रहे। एही बीच शनिचर के रात दूसरा पार्टी के एगो महिला आत्महत्या कs लेलस। घर के कमरा में छत के कुंडी से लटकल ओकर लाश मिलल बा। तिवारीपुर पुलिस दरवाजा तूड़ के लाश के उतार के पोस्टमार्टम खातीर भेज देलस।
महिला के पहचान तिवारीपुर इलाका के बसियाडीह के मनोज के पत्नी जानकी (35 साल) के रूप में भईल बा। ससुर के आरोप बा कि पतोह पटीदार के धमकी के डर से आत्महत्या कs लेलस। उनुकर कहनाम बा कि पुलिस के ओर से उनुका के थाना बोलवला के बाद उs डेरा गईल रहली। पटीदार लोग ओकरा के अलग-अलग धमकी देत रहे।
जानकारी के मुताबिक तिवारीपुर थाना क्षेत्र के बसियाडीह के जानकी अवुरी उनुकर पति मनोज दिव्यांग बाड़े। उs लोग बोल नईखन पावत। बतावल जाता कि होली के दिन जानकी के दस साल के बेटा एगो पटीदारी महिला पs रंग फेंकले रहे। एकरा लेके विवाद भईल।
इहो पढ़ीं: भक्तिमय सोमार: ‘श्रद्धा के सागर’ धरती चीर के बाहर निकलल रहे गोरखपुर के मां काली के प्रतिमा
