महाराष्ट्र के नागपुर में सोमार के रात में भयंकर हिंसा के घटना देखाई देलस। नागपुर के महल इलाका में पत्थरबाजी, कई गो गाड़ियन के तोड़फोड़ आ आसपास के इलाका में आगजनी भइल बा. एs घटना के बाद से शहर में तनावपूर्ण स्थिति बा। अयीसना में नागपुर शहर के कोतवाली, गणेशपेठ, लकड़गंज, पचपावली, शांतिनगर, सक्करदरा, नंदनवन, इमामवाड़ा, यशोधरा नगर अवुरी कपिल नगर थाना क्षेत्र में कर्फ्यू लगावल गईल बा, जवना में नागपुर के पुलिस आयुक्त डॉ. रविंदर कुमार सिंघल आगे के आदेश ले इs कर्फ्यू लागू रही। अबे तक मिलल जानकारी के मुताबिक एs हिंसा में 20 से 22 पुलिसकर्मी घाही हो गईल बाड़े। एकरा संगे 62/65 बदमाश के हिरासत में लिहल गईल बा।
पुलिस का बतवलस?
नागपुर के पुलिस आयुक्त डॉ. रविंदर सिंघल कहले कि, “स्थिति काबू में बा। एगो फोटो जरावल गईल, ओकरा बाद लोग जुट गईल अवुरी हमनी के ओ लोग के निहोरा पs कार्रवाई कईनी। हमरा से मिले खातीर लोग के एगो प्रतिनिधिमंडल भी हमरा कार्यालय में आईल। हमनी के प्राथमिकी दर्ज करवले बानी… घटना रात के करीब 8:30 बजे भईल। 2 गाड़ी जरावल गईल।”
सीएम फडणवीस का कहले?
नागपुर में भईल हिंसा पs महाराष्ट्र के मुख्यमंत्री देवेंद्र फडणवीस कहले कि, “नागपुर के महल इलाका में जवना तरह से स्थिति तनावपूर्ण हो गईल, उs बहुत निंदा करेवाला बा। कुछ लोग पुलिस पs पत्थर तक फेंकले। इs गलत बा। हम स्थिति पs नज़र डालतानी। हम पुलिस आयुक्त से कहले बानी कि कानून व्यवस्था के कायम राखे खातीर जवन कड़ा कदम उठावे के होई।” पुलिस भा समाज में तनाव पैदा कs देला तs अइसन सगरी लोग के सजा मिल जाई.” सबके खिलाफ कड़ा कार्रवाई होखे के चाही हम सभका से अपील करतानी कि नागपुर के शांति ना भंग करे के कोशिश करी तs ओकरा खिलाफ कड़ा कार्रवाई होई।
इहो पढ़ीं: भक्तिमय सोमार: ‘श्रद्धा के सागर’ धरती चीर के बाहर निकलल रहे गोरखपुर के मां काली के प्रतिमा
