का अजित पवार के होई घर वापसी? शरद पवार दिहले बड़ हिंट

 

पछिला कई साल से महाराष्ट्र के राजनीति में जवन उथल-पुथल के दौर चलता, उs खत्म नईखे होखत। शिवसेना अवुरी एनसीपी दुनो पार्टी में दरार के बहुत दिन हो गईल बा। हालांकि लोकसभा चुनाव 2024 के नतीजा के बाद अवुरी आवे वाला विधानसभा चुनाव से पहिले महाराष्ट्र में एक बेर फेर से घर वापसी अवुरी पार्टी बदले के चरण शुरू हो गईल बा। अयीसना में जब राष्ट्रवादी कांग्रेस पार्टी-शरदचंद्र पवार से अजीत पवार के वापसी के बारे में पूछल गईल तs उs बहुत बड़ बात कहले।

का अजीत पवार वापस आ जइहें?

असल में शरद पवार बुध के दिने पुणे में तरह तरह के मुद्दा पs आपन बात रखले.जब पत्रकार पूछले कि राकांपा-एसपी में अजीत पवार के जगह बा कि ना तs शरद पवार कहले कि निजी स्तर पs अयीसन फैसला नईखे हो सकत। संकट के समय हमरा साथे खड़ा हमार साथी लोग से पहिले पूछल जाई।

सियासी हवा कइसे बदलल?

बता दीं कि साल 2023 में शरद पवार के राकांपा में विद्रोह भइल रहे। पार्टी के अधिकांश विधायक के संगे अजीत पवार भाजपा-शिवसेना सरकार में शामिल हो गईल रहले। अजीत पवार के पार्टी के नाम अवुरी चुनाव चिन्ह भी मिलल। हालांकि 2024 में जब लोकसभा चुनाव भईल तs अजीत पवार के राकांपा के 4 लोकसभा सीट में से सिर्फ एक सीट जीतल जा सकत रहे। जबकि शरद पवार के राकांपा 8 सीट जीत चुकल रहे।

नेता NCP काहे छोड़ रहल बाड़े?

महाराष्ट्र के पिंपरी चिंचवड़ में अजीत पवार के राकांपा के बहुत बड़ नेता पार्टी छोड़ देले बाड़े। लोकसभा चुनाव में खराब प्रदर्शन के बाद अजीत पवार के राकांपा के झटका लागे लागल बा. मानल जाता कि शरद पवार के पकड़ अभी भी बहुत क्षेत्र में मजबूत बा अवुरी अजीत पवार के संगे बहुत नेता के भविष्य नईखे देखाई देत।

 

 

 

8985900cookie-checkका अजित पवार के होई घर वापसी? शरद पवार दिहले बड़ हिंटno